एमसीसी सम्झौता कार्यान्वयनको बाटाेमा अघि बढ्यो : एमसीसी मुख्यालय

फागुन १८, २०७८ बुधबार १३:४९:५५ | उज्यालो सहकर्मी

काठमाण्डाै – अमेरिकी सहयोग निकाय मिलेनियम च्यालेन्ज कर्पोरेशन एमसीसीले आफू र नेपाल सरकारबीच ५० करोड अमेरिकी डलर बराबरको अनुदान सम्झौता कार्यान्वयनको बाटाेमा गएको जनाएको छ ।

एमसीसी मुख्यालयले हिजाे मङ्गलवार राति निकालेको विज्ञप्तिमा नेपालको सङ्घीय संसदबाट फागुन १५ गते अनुमोदन भएको सम्झौतालाई स्वीकार गरेको समेत जनाएको छ । लामो समय विवादमा परेको एमसीसी सम्झौता १२ बुँदे व्याख्यात्मक घोषणासहित संसदले अनुमोदन गरेको थियो ।

एमसीसी कम्प्याक्टलाई अनुमोदन गर्ने निर्णयले नेपाल सरकारलाई सार्वभौमसत्ता सम्पन्न लोकतान्त्रिक राज्यको रूपमा सधैँ कायम राखेको विज्ञप्तिमा उल्लेख छ । साथै सम्झौता अनुमोदनले पाँच वर्षे कार्यक्रमलाई कार्यान्वयन गर्ने दिशामा काम जारी राख्न सक्षम बनाउने र यसबाट बिजुलीको थप भरपर्दो आपूर्ति, यातायात तथा रोजगारी सिर्जनामा मद्दत गर्ने भनिएको छ ।

यो वर्ष नेपाल र अमेरिकाबीच कुटनीतिक सम्बन्धको ७५ औँ वर्ष हो । ‘यी ७५ वर्षमा नेपालमा अतुलनीय परिवर्तनहरू देखिएका र एमसीसी तथा अमेरिकी नागरिक यी परिवर्तनमा नेपालको साथमा उभिएका छन् । नेपालको लोकतान्त्रिक मूल्य–मान्यता र दीर्घकालीन आर्थिक समृद्धिलाई आउँदा दिनमा पनि निरन्तरता दिनेछौँ’, विज्ञप्तिमा भनिएकाे छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्