बैंसालु स्यार्पुु (फाेटाे फिचर)

 भदौ ३१, २०७५ आइतबार १४:४३:४ | राजु लामिछाने
unn.prixa.net

पश्चिम रुकुम – स्यार्पु, यतिबेला बैंसले मैमत्त छ । कोरीबाटी चट्ट परेकी, पोटीला गाला, लोलिते बोली, टम्म परेको बक्षस्थल, गाजल, लाली र पाउडरले सिंगारिएकी ।

बैंसालु उमेरकी स्यार्पुले यतिबेला सबैका नजरलाई एक टक बनाइरहन्छ । हेरिरहुँ लाग्ने । वर्षा लागेसँगै फक्रिएको स्यार्पुको बैंसले हर तन्नेरी (पर्यटक)को मन लोभ्याउने गरेको छ, पर्यटकहरु पनि उनको काखमा पुगेपछि उनैसँग घरबार जोड्न आतुर हुन्छन् ।

२.६ वर्ग किलोमिटरमा फैलिएको स्यार्पुको छाती टमक्क परेको छ । सिमैछरीबाट दादुरे हुँदै झर्ने निश्चल पानीले स्यार्पुलाई बासनामय बनाएको छ । स्पार्पुको छाती सुम्सुम्याउँदै कहिले डुङगा चड्ने त कहिले पौडी खेल्ने तन्नेरीहरु स्यार्पुकै अंगालोमा बेरिरहन मन पराउँछन् । लाग्छ, बैंसालु स्पार्पुको चुम्बनले तन्नेरीहरु पानी–पानी बनेका छन्, उनीहरुको मन आनन्दित भएको छ ।

स्पार्पु गाउँ र दहगाउँले काखमा सुम्सुम्याएर हुर्काएकी स्पार्पु कर्णाली प्रदेशकै सुन्दरी हुन् । दिनभर स्पार्पुसँग रमाएर फर्कँदा दह ढल्नेबाट बगेको दहीजस्तै पानीले स्यार्पु छोड्न दिँदैन, लाग्छ एकनाश स्पार्यु हेरिरहुँ ।

रुकुम पश्चिमको बाँफिकोटमा रहेको सुन्दर स्यार्पुको शोभा बढेको छ यतिबेला । बाँफिकोट गाउँपालिकाको वडा नम्बर तीन र पाँचमा फैलिएको यो ताल विशेष गरी बर्खायाममा हेर्न लायक हुन्छ । स्यार्पु तालको आकार बर्खा र हिउँदमा फरक हुन्छ, आकार मात्र होइन रंग पनि बदल्छ स्यार्पुले ।

भरिभराउ तालको भदौदेखि असोज महिना भरी अवलोक गर्न सकिन्छ । त्यसपछि तालको आकार विस्तारै घट्दै जान्छ । हिउँदमा पनि ताल निकै रमणिय देखिन्छ । बजारको सधैँको कोलाहल, हिलो, धुलो र धुँवाको सामना गरिरहेकालाई घुमघाम तथा रिफ्रेसका लागि यो ठाउँ निकै उपयुक्त छ ।

 

तालको सुन्दरता अवलोकण गरेर सारा दुःखलाई भुलाउन सकिन्छ भने आफैले बोटिङ गरेर अझ धेरै मजालिन सकिन्छ । परम्परागत काठका डुंगा विस्थापित गरेर ताल अवलोकनका लागि आउनेहरुले र्‍याफ्टिङ र आधुनिक डुंगाबाट स्यार्पुको काखमा रमाउने व्यवस्था छ ।

तालमा घुम्नका लागि गएकाहरुले धीत मरुञ्जेल र्‍याफ्टिङ र बोटिङको मज्जा लिन सक्छन् । विशेषगरी तालबाट काठका डुंगा विस्थापित गरेर आधुनिक डुंगा राखिनु तथा खान र बस्नका लागि होमस्टेहरु संचालन गरिनुले यहाँ घुम्न आउनेहरुको संख्यामा ह्वात्तै बृद्धि भएको होमस्टे संचालक यज्ञबहादुर मल्ल बताउनुहुन्छ ।

 

हिमालबाट बगेर आउने पानी तालमा मिसिने भएका कारण यहाँ स्नान गर्दा स्वास्थ्यका लागि फाइदाजनक रहेको पनि स्थानीयको विश्वास छ । पर्यटन प्रवद्र्धन तथा वातावरण संरक्षण केन्द्र रुकुमका संस्थापक सचिव गोपाल केसीले जडिबुटीसहितको पानी तालमा मिसिने भएकोले यसको छुट्टै महत्व रहेको बताउनुहुन्छ ।

पर्यटनको प्रचुर सम्भावना बोकेको स्यार्पुबारे प्रचार गर्न बाँफिकोट गाउँपालिकाले आउँदो असोज ११ गतेदेखि १५ गतेसम्म स्यार्पु पर्यटन महोत्सव सञ्चालन गर्दैछ । स्यार्पु तालको थप व्यवस्थापनसहित प्रचार प्रसार गरी पर्यटक भित्र्याउन सकेकामा कर्णाली सरकारले घोषणा गरेको कर्णाली पर्यटन वर्ष सफल पार्न पनि सहयोग पुग्ने छ ।

अन्तिम अपडेट: मंसिर ९, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ । 

2 Comments

  • Gopal kc

    Sept. 16, 2018, 7:32 p.m.

    हो साँच्ची स्यार्पु, यतिबेला बैंसले मैमत्त छ । कोरीबाटी चट्ट परेकी, पोटीला गाला, लोलिते बोली, टम्म परेको बक्षस्थल, गाजल, लाली र पाउडरले सिंगारिएकी । यदि तपाई पनि यी स्यार्पूलाई चुम्न चाहनुहुन्छ भने कृपया एकचोटी अनि स्यार्पू महोत्सव सम्म पक्कै चुम्नुस््् । न्यूजका लागी लाखौ लाख धन्यवाद

  •  0 Reply

  • गाेपाल के,सि

    Sept. 16, 2018, 4:01 p.m.

    राजु सर धेरै धेरै धन्यवाद ,तपाईं हामी सवै मिलेर यति सुन्दर प्रकृतिको सरक्षण गर्न राज्लाइ सहयोग सहयाेग गराै सवै सवैकाे भलाे हुनेछ

  •  0 Reply

तपाईको प्रतिक्रिया

समाचार

लोकप्रिय

१

आईपीएल : १३ वर्षका खेलाडी एक करोड १० लाख भारुमा अनुबन्ध

२

सुनकाे भाउ दुई दिनमा १८ हजार पाँच सय रुपैयाँले घट्यो

३

अस्थायी, ज्यालादारी कर्मचारीलाई पनि सामाजिक सुरक्षा काेषको दायरामा ल्याउने प्रधानमन्त्रीकाे घाेषणा

४

सामाजिक सुरक्षा कोषले विदेशमा रहेका श्रमिकका श्रीमान्–श्रीमती तथा छोराछोरीको उपचार खर्च पनि बेहाेर्ने

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई