अलमुताइरी भन्छन्, ‘नेपाल एसियन कपमा छनाेट हुन गाह्राे छ’

वैशाख २, २०७९ शुक्रबार १४:३४:३२ | उज्यालो सहकर्मी

काठमाण्डाै – एएफसी एसियन कप छनोटका लागि नेपाली राष्ट्रिय फुटबल टाेलीले आज शुक्रवारदेखि प्रशिक्षण सुरु गरेको छ । पहिलो दिनको प्रशिक्षणमा डाकिएका २५ खेलाडीमध्ये २३ खेलाडी अभ्यासमा उपस्थित हुँदा कप्तान किरण चेम्जोङ विदेशमा भएका कारण र देवेन्द्र तामाङ पारिवारिक कारणले उपस्थित भएनन् ।

अभ्यास सुरु भए पनि मुख्य प्रशिक्षक अबदुल्लाह अलमुताइरीले भने अहिलेकाे तयारीले छनाेट हुनै कठिन हुने प्रतिक्रिया दिएका छन् । पत्रकार सम्मेलनमा बोल्दै प्रशिक्षक अलमुताइरीले सपना ठूलो देखे पनि वास्तविकतामा नेपाली फुटबलको स्तर धेरै तल रहेको भन्दै यही प्रयासले छनोट हुन नसक्ने बताए । यद्यपि उनले छनोटमा राम्रो गर्ने प्रयास गर्ने बताए ।

नेपाली फुटबल टोली आफूले सम्हाल्दा र अहिलेको अवस्थामा धेरै परिवर्तन भएको बताउँदै मुख्य प्रशिक्षक अलमुताइरीले दुई महिनापछि कुवेतमा हुने एएफसी एसियन कप छनोटका लागि टाेली योग्य नभएको बताएका हुन् । नेपाली टोलीसँग प्रतिस्पर्धा गर्न लागेको टोलीमा धेरै व्यावसायिक खेलाडी भएको र उनीहरू युरोपबाट खेल्ने गरेको भन्दै उनले नेपाली टोलीमा अनुभवी र व्यावसायिक खेलाडी नभएको बताए । यही कारण एसियन कपमा नेपाली टोली छनोट हुन नसक्ने अलमुताइरीकाे भनाइ छ । प्रतिष्ठित प्रतियोगिता खेल्नका लागि टोलीमा धेरै सुधारदेखि फुटबलको जग बलियो हुनुपर्ने औल्याउँदै उनले ग्रासरुट देखि उमेर समूहका खेल राम्रो नभएसम्म नेपाली फुटबल अगाडि बढ्न नसक्ने बताएका हुन् ।

नेपाली टोलीले दशरथ रङ्गशालामा जुन ८ देखि १४ सम्म कुवेतमा हुने प्रतियोगिताका लागि तयारी थालेको हो । छनोट प्रतिोगिताका लागि समूह 'ए' मा रहेको नेपालसँगै आयोजक कुवेत, इन्डोनेसिया र जोर्डन रहेका छन् । एएफसीले एसियाली २४ टोलीलाई ६ समूहमा विभाजन गरेको छ । यसमा हरेक समूहका शीर्ष टोली र पाँच समूहको उत्कृष्ट दोस्रो टोली चीनमा आयोजना हुने एसियन कप २०२३ का लागि योग्य हुनेछन् ।

छनाेटमा नेपालले जुन ८ मा जोर्डनसँग खेल्नेछ भने दोस्रो खेल जुन ११ मा कुवेतसँग खेल्नेछ । यस्तै अन्तिम खेल जुन १४ मा इन्डोनेसियासँच खेल्नेछ । त्यसअघि नेपाली टोलीले विदेश भ्रमण गर्दा केही मैत्रीपूर्ण खेल खेल्ने तालिका रहेको छ । यद्यपि कुन टोलीसँग हुने भने तय भएको छैन ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अलमुताइरी भन्छन्, ‘नेपाल एसियन कपमा छनाेट हुन गाह्राे छ’

फाइल फाेटाे

तपाईको प्रतिक्रिया