अघिल्लो तीनै तहको चुनाव बहिष्कार गरेका तिङ्लाली वैशाख ३० को प्रतीक्षामा

वैशाख ९, २०७९ शुक्रबार ६:४२:११ | सुवास दर्नाल

साेलुखुम्बु – सोलुखुम्बु तिङ्लाकी कुमारी नेपालीलाई कहिले वैशाख ३० आउला र भोट हाल्न पाइएला भन्ने लागिरहेको छ । सङ्घीयतापछिको पहिलो चुनाव बहिष्कार गरेका तिङ्लाली यस पटकको चुनावमा भने सहभागी हुन निक्कै आतुर देखिन्छन् ।

राज्य पुर्नसंरचनामा असहमति जनाउँदै अघिल्लो पटक तीनै तहको चुनाव बहिष्कार गरेका तिङ्लावासी झन्डै पाँच वर्ष जनप्रतिनिधिविहीन अवस्थामा रहनुपरेको थियो । तर सोलुदूधकुण्ड नगरपालिका वडा नम्बर ११ कायम भएपछि तिङ्लालीको माग सबै पूरा भएको हो । २५ वर्षपछि चुनावमा भाग लिन पाउने भएपछि अहिले सिङ्गो तिङ्लावासी निकै उत्साहित देखिएका छन् ।

विद्रोही छवि बनाएका तिङ्ली यस पटकको चुनावमा जनप्रतिनिधि चुन्ने आशामा देखिएका छन् । तिङ्लाका कुमार खड्काले भन्नुभयो, ‘अन्य स्थानीय तहमा जनप्रतिनिधिमार्फत काम भए, हाम्रोमा पाँच वर्षसम्म कर्मचारीको भरमा काम भयो तर यस पटक भने आफ्नै हातले मतदान गरी स्थानीय जनप्रतिनिधि चुन्ने सुनौलो अवसरको पर्खाइमा छौँ, त्यसपछि विकासमा अझ अघि बढ्ला भन्ने आशा छ ।’ तिङ्लाकै निरकुमार नेपालीलाई यस पटकको चुनाव दशैँ आए झैँ लागिरहेको छ । आफूहरूका लागि सङ्घीयतापछिको पहिलो चुनावमा सहभागी हुन ठूलै युद्ध जित्नुपरेको जस्तो आभास भइरहेको उहाँको भनाइ छ ।

नेपाली कांग्रेसको अन्तिम सशस्त्र क्रान्तिसमेत भएको टिम्बुरबोटे रहेको तिङ्लाले हरेक राजनीतिक तथा सामाजिक मुद्दामा विद्रोही छवि स्थापित गर्दै आएको छ । यसपालि भने तिङ्लावासी मतदानबाट जनप्रतिनिधि छान्ने दिनको पखाईमा छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अघिल्लो तीनै तहको चुनाव बहिष्कार गरेका तिङ्लाली वैशाख ३० को प्रतीक्षामा

साेलुखुम्बुकाे तिङ्ला

तपाईको प्रतिक्रिया