संसदमा उठ्याे प्रश्न : गुणस्तरहीन काम गर्ने ठेकेदारलाई कहिले कारबाही हुन्छ ?

असोज १, २०७५ सोमबार १५:३४:० | उज्यालो सहकर्मी

काठमाडौं – प्रतिनिधिसभाका सांसदहरुले बाढी, पहिरोले क्षति पुर्‍याएका सडक पुनर्निर्माणको काम तत्काल गर्न सरकारसँग माग गरेका छन् ।

प्रतिनिधिसभाको सोमबार बसेको बैठकको शुन्य समयमा बोल्दै सांसद यज्ञराज सुनुवारले बाढी, पहिरोले क्षति पुर्‍याएका सडक पुनर्निर्माणको काम तत्काल सुरु गर्न सरकारसँग माग गर्नु भएको हो । दसैं, तिहार जस्ता चाडपर्व आइसकेकाले सडक पुनर्निर्माणको काममा ढिलाई गर्नु नहुने सांसद सुनुवारको भनाई छ ।

त्यसैगरी सांसदहरुले समयमै गुणस्तरीय काम नगर्ने ठेकेदारलाई कडा कारबाही गर्न पनि सरकारसँग माग गरेका छन् । सांसद विमला विश्वकर्माले भौतिक पूर्वाधार निर्माणको जिम्मा लिने ठेकेदारले समयमा गुणस्तरीय काम नगर्दा पनि सरकारले कारबाही गर्न नसकेको भन्दै आपत्ति जनाउनुभयो ।

उहाँले गुणस्तरहिन काम गर्ने ठेकेदारहरुलाई कहिले कारबाही हुन्छ भनी सरकारसँग प्रश्न गर्नुभयो । अर्का सांसद भूपेन्द्रबहादुर थापाले कालीगण्डकी नदीमा आएको बाढीका कारण बेनी बजार जोखिममा परेको भन्दै सुरक्षाको उचित व्यवस्था गर्न सरकारसँग माग गर्नुभयो ।

उहाँले बजार सुरक्षाका लागि निर्माण गरिएको कंक्रिट वाल एक वर्ष पनि नबित्दै भत्किएको भन्दै त्यो वाल निर्माण गर्ने ठेकेदारलाई आवश्यक कारबाही गर्न पनि सरकारसँग माग गर्नुभयो ।

सांसद महेश्वरजंग गहतराज ‘अथक’ले स्थानीय पूर्वाधार विकास कार्यक्रमको कार्यविधि तथा निर्देशिका तत्काल ल्याउन सरकारको गम्भिर ध्यानाकर्षण गराउनुभयो । सरकारले नीति तथा कार्यक्रम ल्याएको चार महिना बित्दा पनि स्थानीय पूर्वाधार विकास कार्यक्रमको कार्यविधि ल्याउन नसकेकोमा उहाँको आपत्ति छ ।

सांसद मीनबहादुर विश्वकर्माले सवारी लाइसेन्स लिएका सवारी चालकलाई पनि ट्राफिक प्रहरीले दुःख दिएको भन्दै कारबाही गर्न सरकारसँग माग गर्नुभयो ।

अन्तिम अपडेट: माघ ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्