पोखराको मेयरमा ८ जनाको उम्मेदवारी दर्ता

वैशाख ११, २०७९ आइतबार १७:३८:५३ | सागर राज तिमिल्सिना

कास्की – पोखरा महानगरपालिकाको नयाँ नेतृत्व लिन आज आइतवार १० जनाले मेयरमा उम्मेदवारी दिएका छन् । दुई जनाले उपमेयरमा उम्मेदवारी दिएका छन् । त्यसैगरी वडाध्यक्ष र सदस्यमा गरी २५ जनाले उम्मेदवारी दर्ता गरेका छन् ।

अटेरी अभियान चलाइ रहनुभएका स्वतन्त्र उम्मेदवार गनेश पौडेलले पोखराको मेयरका लागि पहिलो मनाेनयन दर्ता गर्नुभयाे । उम्मेदवारी दर्तापछि पौडेलले राजनीतिक अकर्मण्यताको विरुद्धमा आफूले महानगरकाे मेयरमा उम्मेदवारी दिएको बताउनुभयाे । पालिकामा दलका भन्दा पनि स्वतन्त्र उम्मेदवारले बढी काम गर्न सक्छन् भन्ने मान्यता स्थापित गर्नका लागि उम्मेदवारी दर्ता गराएको उहाँकाे भनाइ छ ।

पोखराको मेयर पदमा नेपाली कांग्रेसबाट बागी उम्मेदवारी परेको छ । गठबन्धनको विरोध गर्दै कांग्रेसको पोखरा–१४ का क्षेत्रीय प्रतिनिधि विमलबहादुर कार्कीले मेयरमा स्वतन्त्र उम्मेदवारी दर्ता गर्नुभएकाे छ । पार्टी नेतृत्वले रुखमा छाप लगाउने बाटोमा अवरोध गरेको आरोप लगाउँदै कार्कीले उम्मेदवारी दर्ता गरेको र पार्टीभित्र विद्रोहका लागि अघि बढेको बताउनुभयाे ।

त्यसैगरी मौलिक जरोकिलो पार्टीबाट एजल तिमिल्सिना, सचेत नेपाली पार्टीबाट भोजराज खनाल, मंगोल नेशनल अर्गनाइजेशनबाट प्रेमप्रसाद गुरुङ, स्वतन्त्रबाट रामराज अधिकारी, डिलबहादुर गुरुङ, नवराज बास्तोलाले मेयर पदमा उम्मेदवारी दिएका छन् । उपमेयरमा सचेत नेपाली पार्टीकी सोनी परियार, मंगोल नेशनल अर्गनाइजेशनका रामबहादुर तामाङको उम्मेदवारी परेको मुख्य निर्वाचन अधिकृतको कार्यालय कास्कीले जानकारी दिएको छ ।

पोखरा महानगर पालिका २६ को वडाध्यक्षमा नारायणप्रसाद आचार्य, पोखरा ३ को वडाध्यक्षका लागि महेश उदास र पोखरा ३० काे वडाध्यक्षमा अनिष गुरुङले स्वतन्त्र उमेद्वारी दिएका छन् ।

ठूला राजनीतिक पार्टीले भने उम्मेदवारकाे टुङ्गाे लगाउन नसकेपछि भाेलि साेमवार मात्रै उम्मेदवारी दर्ता जनाएका छन् । पोखरा महानगरपालिकामा दुई लाख सात हजार सात सय १२ जना मतदाता रहेका छन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सागर राज तिमिल्सिना

कास्कीमा रहेर पत्रकारिता गर्ने सागर उज्यालाेका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्