प्रधानमन्त्री ओलीले भने : म पनि निर्मलाको अभिभावक हूँ...

असोज १, २०७५ सोमबार १७:३९:१६ | उज्यालो सहकर्मी

काठमाडौं – प्रधानमन्त्री केपी शर्मा ओलीले कञ्चनपुरकी बालिका निर्मला पन्तको बलात्कारपछिको हत्यामा संलग्न कसैलाई छुटकारा नहुने बताउनुभएको छ ।

ट्वीटमार्फत प्रधानमन्त्री ओलीले आफू पनि निर्मलाको अभिभावक भएकाले निर्मलाको हत्यारालाई कसैगरी छुट नहुने बताउनुभएको हो । निर्मला पन्तको हत्याकाण्डमा प्रधानमन्त्री ओलीले प्रारम्भिक छानबिनमा त्रुटि भएको बताउनुभएको छ ।

म पनि निर्मलाको अभिभावक हुँ । यस्तो पाशविक हत्यामा संलग्न व्यक्ति जतिसुकै बलियो र जुनसुकै ओहोदाको भए पनि छोडिंदैन । प्रारम्भिक छानविनमा भएको कमजोरीका कारण अपराधी पत्ता लगाउन केहि समय लागे पनि अपराधी पत्ता लगाई कडा कारवाही गरिनेछ ।
— KP Sharma Oli (@PM_Nepal) September 17, 2018

उहाँले प्रारम्भिक छानबिनमा त्रुटि भएका कारण निर्मला पन्तको हत्यारा समयमै पत्ता लगाउन नसकिएको बताउनुभएको छ । सोमबार निर्मलाका आमाबुबासँगको भेटमा पनि प्रधानमन्त्री ओलीले हत्यारा पत्ता लगाएर कडा कारबाही गर्ने आश्वासन दिनुभएको थियो ।

सरकारले निर्मला पन्तको हत्यारालाई पत्ता लगाउन नसकेको भन्दै चौतर्फि सरकारको आलोचना भैरहेको छ । देशभर पन्तको परिवारलाई न्याय दिनुपर्ने माग गर्दै प्रद्धर्शन भैरहेका छन् ।

झण्डै दुई महिना पूरा हुन लाग्दा पनि निर्मला पन्तको हत्यारालाई सरकारले सार्वजनिक गर्न सकेको छैन । निर्मला पन्तको हत्याकाण्डलाई लिएर प्रमुख प्रतिपक्ष दल नेपाली कांग्रेसले गृहमन्त्री रामबहादुर थापाको क्षमता कमजोर भएको र सरकार पनि कमजोर भएको टिप्पणी गरेको छ ।

नेविसंघले पनि गृहमन्त्री थापा काम गर्न कमजोर भएको भन्दै राजीनामा माग गरेको छ ।

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्