माओवादी कार्यकर्ताबीचको झडपले चौतारा साँगाचोक तनावग्रस्त, सेना परिचालन

वैशाख १२, २०७९ सोमबार २०:९:५३ | किरण थापा

सिन्धुपाल्चाेक – नेकपा माओवादी केन्द्रका दुई पक्षबीच चौतारामा आज साेमवार मनोनयको क्रममा झडप भएको छ । झडप उग्र हुँदै गएपछि चौतारा साँगाचोकगढी निर्वाचन कार्यालय परिसरमा सेना परिचालन गरिएको छ ।

जिल्लाका शीर्षस्थ नेताहरूमाथि नै आक्रमणको खबरसँगै सुरक्षा स्थिति नियन्त्रणमा लिन सेना परिचालन गरिएकाे हाे । निर्वाचन कार्यालय सुरक्षाका लागि नियमित कामअनुसार परिचालित भएको सेनाले जानकारी दीएको छ ।

नेकपा माओवादीको आधार इलाका मानिने साँगाचोकगढी चौतारा नगरपालिकाको मेयरमा अमानसिंह तामाङ (पूर्वमेयर) लाई टिकट नदिइ कृष्णप्रसाद सापकोटालाई दिइएको भन्दै कार्यकर्ता आक्रोशित थिए । मेयर तामाङले स्वतन्त्र रूपमा उम्मेदवारी दिनुभएको छ ।

गाउँपालिकाकाे वडा नम्बर १ र १४ को वडाध्यक्ष ३० मत पनि नभएको नेकपा एसलाई दिइएको भन्दै माओवादीकै दुई पक्षबीच कुटाकुटबाट सुरु भएको हो ।

नगरपालिका कार्यालय तोडफोडपछि मनोनयन रोकिएका बेला माओवादीका नेताहरूलाई सुरक्षा दिएर राखिएकै ठाउँमा आक्रमण भएको थियो । माओवादीका दुई पक्षको झडपका कारण स्थिति नियन्त्रणबाहिर जान लागेपछि सेना परिचालन गरिएकाे हो । अहिले मनोनयन दर्ताको क्रम चलिरहेको मुख्य निर्वाचन अधिकृतकाे कार्यालयले जनाएकाे छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण थापा

किरण थापा सिन्धुपाल्चाेकका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्