म मेयर भएँ भने महानगरभित्रका श्रमिक महिलाका लागि विशेष राहत योजना ल्याउँछु : सिंह

वैशाख १८, २०७९ आइतबार १७:३:३३ | उज्यालो सहकर्मी

काठमाण्डाै – सत्तारुढ गठबन्धनको तर्फबाट काठमाण्डाै महानगरपालिकामा मेयर पदको उम्मेदवार सिर्जना सिंहले महानगरभित्रका श्रमिक महिलाका लागि विशेष राहत योजना ल्याउने बताउनुभएको छ ।

आज आइतवार बानेश्वरमा काठमाण्डाै महानगरका उम्मेदवार परिचयात्मक कार्यक्रमलाई सम्बोधन गर्दै सिंहले श्रमिक महिलालाई सरकारले बेवास्ता गरेको बताउनुभयो । उहाँले महिलाले बिहानदेखि बुलुकीसम्म घरमै काम गरेर बस्ने भए पनि सरकारले श्रमको मूल्याङ्कन नगरेको बताउनुभयो ।

उहाँले भन्नुभयाे, ‘म काठमाण्डाै महानगरपालिकाकाे मेयर भएँ भने गरिबीकाे रेखामुनि रहेका श्रमिक महिलाका निम्ति विशेष राहत प्याकेज ल्याउँछु । सूचना र प्रविधि अपनाएर युवालाई आत्मनिर्भर बनाएर उद्यमी बनाउनेत र्फपनि लाग्नेछु ।’

सिंहले श्रमिक महिलाका बालबालिकाका लागि महानगरभित्रका ९१ वटा सामुदायिक विद्यालयमा शिशु स्याहार केन्द्र बनाउने पनि बताउनुभयो । त्यसैगरी महानगरले युवा क्लबहरूसँग सहकार्य गरी युवालाई खेलकुदतर्फ आकर्षित गर्ने पनि उहाँकाे भनाइ छ । सिंहले हरेक वडाको गल्ली–गल्लीमा बिजुली बत्ती बालेर र सीसी क्यामेरा जडान गरेर महिलाका लागि सुरक्षित अनुभुति गराउने पनि बताउनुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्