संविधान दिवसमा सबै नेपालीले उत्सव मनाउने वातावरण हुनुपर्छ – महतो

असोज २, २०७५ मंगलबार १२:३२:१७ | गोविन्द शर्मा

बाँके – राष्ट्रिय जनता पार्टी अध्यक्ष मण्डलका सदस्य राजेन्द्र महतोले संविधान दिवसमा सम्पूर्ण नेपालीले उत्सव मनाउने वातावरण हुनुपर्ने बताउनुभएको छ ।

मंगलबार नेपालगञ्जमा आयोजित पत्रकार भेटघाटमा महतोले संविधान दिवसमा सबै नेपाली जनता सहभागी भएर उत्सवको रुपमा मनाउनका लागि संशोधन अनिवार्य भएको बताउनुभयो ।

महतोले संविधान अपुरो र अधुरो भएका कारण राजपाले विरोधको रुपमा मनाउन लागेको बताउनुभयो । उहाँले संविधानमार्फत प्राप्त उपलब्धिको रक्षा गर्दै संशोधन गर्नुपर्नेमा जोड दिनुभयो ।

वर्तमान सरकार इतिहासकै सबैभन्दा शक्तिशाली सरकार भएको बताउँदै सबै समस्या समाधान हुने आशा यथावत रहेको बताउनुभयो । उहाँले शक्तिशाली सरकार असफल हुनु भनेको सम्पूर्ण नेपाली जनताका लागि पनि दुर्भाग्यपूर्ण हुने चेतावनी दिनुभयो ।

उहाँले सरकारले जनतामा देखाएको आर्थिक विकास र समृद्धिको सपना केवल नारामा मात्रै सीमित भएको बताउँदै सरकारले आप्mनो दायित्व र जिम्मेवारी वहन गर्न नसकेको टिप्पणी गर्नुभयो ।

संविधान संशोधन, निर्वाचित सांसद रेशम चौधरीको सपथग्रहण र मुद्धा फिर्ता लगायतका मागहरु पूरा गर्नुपर्नेमा जोड दिदै उहाँले अहिलेको अवस्थामा संविधानलाई उत्सवको रुपमा मनाउन नसकिने दावी गर्नुभयो ।

संविधान संशोधन लगायतका आफुहरुका माग पुरा नभएकाले सरकारलाई दिएको समर्थनका विषयमा अब धेरै समय पर्खन नसकिने उहाँको भनाई छ ।

साधु सन्त बन्न राजपा गठन नभएको बताउँदै उहाँले आफुहरुका माग पुरा भएमा भोली नै सरकारमा सहभागी हुन तयार भएको बताउनुभयो ।

राजपा अध्यक्ष मण्डलका अर्का सदस्य अनिल झाले संविधान संशोधन सङ्घीय संसदले मात्रै गर्ने भएकाले आफूहरुले केन्द्र सरकारलाई दबाब दिँदै आएको बताउनुभयो ।

उहाँले राजपा झगडा बिसाउन गठन गरिएको बताउँदै अब नेतृत्वका लागि विवाद नहुने दावी गर्नुभयो । महतोले महाधिवेशनबाट सर्वसम्मत नेतृत्व चयन हुने बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्