बाउन्स चेक दिएर ८ करोडभन्दा बढीको ठगी, मुद्धा दर्ता गर्दा पनि प्रहरीले दिएन चासो

जेठ २१, २०७५ सोमबार २०:१५:४६ | गोपाल भण्डारी

कपिलवस्तु – वाणगंगा नगरपालिकामा रहेको कपिलवस्तु मल्टी एग्रो इन्डष्ट्रिज प्रालिबाट ६ महिना अघि पाएको करिब ८ करोडभन्दा बढी रुपैयाँको चेक नसाटिँदा धान बिक्रेता व्यवसायीहरु समस्यामा परेका छन् ।

एग्रो प्रालिका सञ्चालकहरु भीमलाल पौडेल र इन्द्रमणि पौडेल विरुद्ध बैंक कसुर सम्बन्धी मुद्धा दर्ता भए पनि प्रहरीले त्यस विषयमा चासो नदिँदा धान व्यवसायीहरु समसयामा परेका हुन् । उनीहरु विरुद्ध १ महिनाअघि इलाका प्रहरी कार्यालय पिपरामा मुद्धा दर्ता गरिएको थियो । तर प्रालि सञ्चालकहरुलाई पक्राउ गर्न प्रहरीले खासै चासो नदिएको पीडितहरुको गुनासो छ ।

‘आफ्नो एक्लैको मात्रै १ करोड ७८ लाख ८ हजार २ सय ९९ रुपैयाँ त्यो प्रालिबाट पाएको चेक छ, तर कम्पनीको खातामा रकम नभएका कारण त्यो चेक बाउन्स भएको छ’, पीडित व्यवसायी न्यू पूजा खाद्य उद्योगका सञ्चालक तौलन बनियाँले बताउनुभयो ।

‘प्रालिका सञ्चालकहरु भीमलाल पौडेल र इन्द्रमणि पौडेलले आफूहरुलाई खातामा पैसा नभएको चेक दिएर ६ महिनाअघिबाट ठग्दै आएका छन्’, पूजा खाद्य उद्योगका सञ्चालक बनियाँले भन्नुभयो, ‘यति ठूलो रकम ६ महिना अघिबाट भूक्तानी पाउन नसक्दा हामी त बर्बादौं भयौं, हाम्रो कारोबार प्राय ठप्प भयो ।’

‘प्रालि सञ्चालक विरुद्ध बैंक कसुर सम्बन्धी मुद्धा इलाका प्रहरी कार्यालय पिपरामा दर्ता गरिएको छ’, बानियाँले भन्नुभयो, ‘तर सञ्चालकहरुलाई पक्राउ गर्नुको साटो उनीहरुको खोजी कार्य भैरहेको छ भन्ने जवाफ मात्रै हामीले इलाका प्रहरी कार्यालयबाट पाएका छौं ।’

सञ्चालक भीमलाल पौडेलकी श्रीमती रेवता पौडेलले अहिले त्यो प्रालि सञ्चालन गर्दै आउनुभएको छ । रेवता पौडेलले आफूहरुलाई पुरानो हिसाब मध्येको पाउनु पर्ने २० लाख रुपैयाँको चेक दिए पनि त्यो चेक पनि बाउन्स भएको व्यवसायीहरुले गुनासो गरेका छन् ।

प्रालि सञ्चालक पत्नी रेवता विरुद्ध बैंक कसुर अन्र्तगत मुद्धा दर्ता गर्न जिल्ला प्रहरी कार्यालय पुगे पनि त्यो मुद्धा प्रहरीले दर्ता गर्न ढिलाई गरेको व्यवसायीहरुले बताएका छन् । तर प्रहरी उपरीक्षक मनोज यादवसँग कुरा गर्दा मुद्धा दर्ता गर्ने नगर्ने आफ्नो तजविजको कुरा रहेको बताउनुभयो ।

कपिलबस्तुको पचेहरा, बर्रोहिया, मर्यादपुर लगायतका धान बिक्रेता व्यवसायीहरुले यो प्रालिबाट करिब ६ महिना बितिसक्दा पनि करिब २ दर्जन व्यवसायीहरुले आफूहरुले पाएको चेक नसाटिँनेको गुनासो गरेका छन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाउन्स चेक दिएर ८ करोडभन्दा बढीको ठगी, मुद्धा दर्ता गर्दा पनि प्रहरीले दिएन चासो

बाउन्स चेक देखाउँदै पीडित

तपाईको प्रतिक्रिया