जिम्बाब्वे ‘ए’ टोलीसँगको पहिलो एक दिवसीयमा नेपालकाे खराब प्रदर्शन, जिम्बाब्वेलाई १३७ रनको लक्ष्य

वैशाख २३, २०७९ शुक्रबार १२:२६:५७ | उज्यालो सहकर्मी

जिम्बाब्वेको ‘ए’ टोलीसँगको पहिलो एक दिवसीय क्रिकेट श्रृङ्खलामा नेपालले खराब प्रदर्शन गरेको छ । त्रिवि किक्रेट मैदान कीर्तिपुरमा टस हारेर पहिले ब्याटिङ गरेको नेपाल ३१ ओभर ३ बलमा मात्र १३६ रन बनाएर अलआउट भयो ।

नेपालका लागि सोमपाल कामीले सर्वाधिक ३० रन बनाए । यस्तै, करण केसीले २५, कुशल भुर्तेलले १९, दिपेन्द्र सिंह ऐरी १८ रन बनाए । आशिफ शेख र आरिफ शेखले समान ५/५ रन बनाए भने कप्तान सन्दीप लामिछानेले ४ रन तथा रोहित पौडेलले ३ रन जोडे । यस्तै, मोहम्मद अदिल आलमले २ रन जोड्दा सुशान भारीले कुनै पनि रन जोड्न सकेनन् ।

जिम्बाब्वेका ब्राड इभान्सले ४ विकेट लिए भने भिक्टर न्याउची, सेफास जुआओ र ब्राण्डन माभुताले २/२ विकेट लिए । आईसीसी पुरुष क्रिकेट विश्व कप लिग टु अन्तर्गत अमेरिकामा हुने एक दिवसीय श्रृङ्खलाको तयारीका लागि नेपालले जिम्बाब्वे ‘ए’ सँग तीन एक दिवसीय खेलेको हो ।

भोलि दोस्रो र सोमवार तेस्रो एक दिवसीय हुनेछ । विश्व क्रिकेट लिग डिभिजन–२ अन्तर्गत अमेरिका भ्रमणअघि नेपालले जिम्बाब्वेको ‘ए’ टोलीसँग खेलेको टी–२० श्रृङ्खला भने बराबरी भएको थियो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्