तपाईँकाे छाेरी मेयरमा नउठाउनुस् भनेकाे भए प्रचण्डले मान्नु हुन्थ्याे : देउवा

वैशाख २३, २०७९ शुक्रबार १९:१५:१२ | उज्यालो सहकर्मी

काठमाण्डाै – प्रधानमन्त्री एवम् नेपाली कांग्रेसका सभापति शेरबहादुर देउवाले भरतपुर महानगरपालिकामा रेणु दाहाललाई मेयरको उम्मेदवार बनाउन आफूले भनेको बताउनुभएको छ । सभापति देउवाले माओवादी केन्द्रका अध्यक्ष पुष्पकमल दाहालकी छोरी रेणुलाई भरतपुर महानगरपालिकाको मेयरमा टिकट दिन आफूले भनेको बताउनुभएको हो ।

आज शुक्रवार काठमाण्डाैमा आयोजित सत्तारुढ गठबन्धनको चुनावी सभामा बोल्दै उहाँले प्रकाशमान सिंहकी श्रीमती सिर्जनालाई काठमाण्डाैकाे मेयरमा उम्मेदवार बनाउन पनि आफूले नै भनेको बताउनुभयो । उहाँले पुष्पकमल दाहाल लचिलो भएकोले गठबन्धन बनाउन सजिलो भएको पनि बताउनुभयो ।

सभापति देउवाले भन्नुभयो, ‘अहिलेको गठबन्धन सजिलो छ । प्रचण्डजी सजिलो हुनुहुन्छ । हामी सबैले तपाईँको छोरी नउठाउनुस् भनेको भए मान्नु हुन्थ्यो । मैले रेनुले राम्रो काम गरेकी छिन्, टिकट दिनुस् भनेको हो । काठमाण्डाैमा सिर्जना सिंहलाई टिकट दिन प्रकाशमान डराएका हुन् । मैले नै उम्मेदवार बनाएको हो । पार्टीमा योगदान गरेको मान्छे हो ।’

सभापति देउवाले चितवनमा राम्रो काम गरेकाले रेनुलाई मेयरमा जिताउनुपर्ने बताउनुभयो । उहाँले काठमाण्डाैमा फोहरको र यातायातको समस्या समाधान गर्छु भन्ने सिंहलाई पनि जिताउनुपर्ने बताउनुभयो ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईँकाे छाेरी मेयरमा नउठाउनुस् भनेकाे भए प्रचण्डले मान्नु हुन्थ्याे : देउवा

फाइल फाेटाे

तपाईको प्रतिक्रिया