भरतपुर पुगेर ओलीकाे टिप्पणी : हँसिया हथाैडामा भाेट हाल्नु परेकाेमा कांग्रेस कार्यकर्ता पीडामा छन्

वैशाख २५, २०७९ आइतबार १८:५०:११ | उज्यालो सहकर्मी

चितवन – नेकपा एमालेका अध्यक्ष केपी शर्मा ओलीले कांग्रेस सभापति शेरबहादुर देउवाले प्रधानमन्त्री पदका लागि पार्टी सिध्याउन लागेको टिप्पणी गर्नुभएको छ ।

आज आइतवार चितवनकाे भरतपुरमा आयोजित चुनावी सभामा बोल्दै अध्यक्ष ओलीले पार्टी सिद्धिने अवस्थामा पुग्दा पनि कांग्रेस कार्यकर्ताहरू के हेरेर बसेका छन् भनी प्रश्नसमेत गर्नुभयो । उहाँले कांग्रेस कार्यकर्ताहरू प्रचण्डका छोरी रेणु दाहाललाई फेरि पनि भोट हाल्नु परेकोमा पीडामा रहेको पनि जिकिर गर्नुभयो ।

अध्यक्ष ओलीले भन्नुभयो, ‘कांग्रेसका नेताहरूले प्रधानमन्त्री पदका लागि पार्टी सिध्याउँदैछन् । के हेरेर बसेका छन् कार्यकर्ता, नेताहरू ? पार्टी त सिद्धियो कांग्रेसको । एक जना नेताले चितवनका जनताले मेरी छोरीलाई खुरुक्क भोट हालेर जिताएनन् भने देश दुर्घटना हुन्छ भने । रुखवाला साथीहरूले खुरुखुरु राजीखुसीले हँसिया हथाैडामा भोट हाल्दैनन् भने दुघर्टना हुन्छ । थपक्क भोट हालेर मेरी छोरी जिताए भने म खुसी हुन्छु । उत्साहित हुन्छु । १०, १५, २० वर्ष गठबन्धन टिकाइ दिन्छु । धम्क्याएको हेर्नुहाेस् त ।’

प्रचण्डले केही दिनअघि भरतपुर पुगेर आफ्नी छोरीलाई मत हाल्न कांग्रेस कार्यकर्तालाई धम्क्याउने काम गरेको भन्दै ओलीले निर्वाचन आचारसंहिता विपरीत हुने गरी यसरी धम्क्याउन नपाउने तर्क गर्नुभयो । उहाँले प्रचण्डले सृजना सिंहको र प्रधानमन्त्री देउवाले रेणु दाहालको मत मागेर हिँडिरहेका बेला फरक दलको प्रचार नगर्न भनी निर्वाचन आयोगले भने पनि कारबाही भने गर्न नसकेको आरोप लगाउनुभयो ।

अध्यक्ष ओलीले कांग्रेस नेताहरूले जसलाई भोट मागे पनि हुने तर कार्यकर्ताहरूले त्यसो गरे कारबाही गर्छु भन्न नमिल्ने पनि बताउनुभयो ।

कार्यक्रममा बोल्दै राप्रपाका नेता विक्रम पाण्डेले राष्ट्रवादी शक्तिहरूबीच एकताबद्ध हुनुपर्ने अवस्था आएकाले चितवनमा आफ्नो पार्टी र एमालेबीच पालिका चुनावमा सहकार्य गरेर अघि बढ्नुपरेको बताउनुभएको थियो ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्