शोधनान्तर घाटा २ खर्ब ६८ अर्ब रुपैयाँ, विदेशी विनिमय सञ्चिति घट्दै

वैशाख २८, २०७९ बुधबार १७:१२:४९ | उज्यालो सहकर्मी

काठमाण्डाै – चालु आर्थिक वर्षकाे नौ महिनामा चालु खाता पाँच खर्ब १२ अर्ब ७१ करोडले घाटामा रहेको छ । अघिल्लो वर्षको साउनदेखि चैतसम्म चालु खाता दुई खर्ब १० अर्ब ५१ करोड रुपैयाँले घाटामा रहेको थियो ।

यस्तै शोधनान्तर स्थिति दुई खर्ब ६८ अर्ब २६ करोड रुपैयाँले घाटामा रहेको छ । अघिल्लो वर्षको नौ महिनामा शोधनान्तर स्थिति ४२ अर्ब ५४ करोड रुपैयाँले बचतमा रहेको थियो । अमेरिकी डलरमा अघिल्लो वर्षको ३४ करोड ८१ लाखले बचतमा रहेको शोधनान्तर स्थिति यो वर्षको नौ महिनामा दुई अर्ब २५ करोड रुपैयाँले घाटामा रहेको छ ।

यसैबीच गएको असार मसान्तमा १३ खर्ब ९९ अर्ब तीन करोड रुपैयाँ बराबर रहेको विदेशी विनिमय सञ्चिति १६ दशमलव ५ प्रतिशतले घटेर गएको चैत मसान्तमा ११ खर्ब ६७ अर्ब ९२ करोड रुपैयाँमा झरेको छ । अमेरिकी डलरको सञ्चिति गएको असारमा ११ अर्ब ७५ करोड रुपैयाँ रहेकोमा गएको चैतमा १८ दशमलव २ प्रतिशतले घटेर नाै अर्ब ६१ करोड रुपैयाँ कायम भएको छ ।

कुल विदेशी विनिमय सञ्चितिमध्ये नेपाल राष्ट्र बैंकमा १० खर्ब २१ अर्ब ४५ करोड रुपैयाँ रहेको छ । नौ महिनाको आयातलाई आधार मान्दा बैकिङ क्षेत्रसँग रहेको विदेशी विनिमय सञ्चिति सात महिना चार दिनकाे वस्तु आयात र ६ महिना ६ दिनकाे वस्तु तथा सेवा आयात धान्न पर्याप्त रहने राष्ट्र बैंकले जनाएको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्