प्रहरी प्रशासन हेरेको हेरै भयो, सिके राउत २० मिनेट भाषण गरेर पुनः भूमिगत भए

 असोज ३, २०७५ बुधबार १७:३३:४० | शैलेन्द्र महतो

धनुषा – प्रशासनलाई चुनौती दिँदै स्वतन्त्र मधेस गठबन्धनले जनकपुरमा  संविधान दिवस विरोधी कार्यक्रम गरेका छन् । 

स्वतन्त्र मधेसको अभियानमा लागेका डा. सिके राउत नेतृत्वको मधेस गठबन्धको पूर्व घोषित कार्यक्रमलाई असफल पार्न प्रहरीले दुई दिन अघिदेखि नै कार्यकर्तालाई धडपकड सुरु गरेको थियो ।

कडा सुरक्षाका बाबजूद मधेस गठबन्धनका सयाैँ कार्यकर्ताले  जनकपुरमा प्रदर्शन गरेका छन् भने प्रहरीको विशेष खोजी सूचीमा रहेका गठबन्धका संयोजक डा. सिके राउत रामानन्दचोकमा प्रहरी प्रशासनकै अगाडि कोणसभालाई झण्डै २० मिनेट सम्बोधन गरेर पुनः भूमिगत भएका छन् ।

असोज ३ को  संविधान दिवसलाई कालो दिनको रुपमा मनाउन भन्दै डा.सिके राउतले जनकपुरमा ‘चलु जनकपुर, भरु जनकपुर’ कार्यक्रम आयोजन गरेका थिए ।

जनकपुरको बाह्रविघा मैदानमा डा.राउतले विरोध सभा गर्ने पूर्व निर्धारित कार्यक्रम रहेको थियो । तर बाह्रविघा मैदानको चारैतर्फ प्रहरीको बाक्लो उपस्थितिको साथै जनकपुरको सुरक्षा व्यवस्था अत्यन्तै कडा बनाएको थियो ।

बुधबार बिहानदेखि दिउँसोसम्म डा.सिके राउतका झण्डै २ सय कार्यकर्तालाई प्रहरीले जनकपुरको विभिन्न स्थानबाट पक्राउ पनि गरेको छ । तर पनि डा.सिके राउतका झण्डै एक हजारको संख्यामा एकैपटक आएका नेता कार्यकर्ताहरु रामानन्दचोकबाट विरोध जुलुस सुरु गरेका थिए ।

रामानन्दचोकबाट निस्केको गठबन्धनको जुलुस जानकीचोक, जनकचोक, रामचोक, मुरलीचोक, भ्रमरपुराचोकसहितको ठाउँमा प्रदर्शन गर्दै पुनः रामानन्दचोकमा कोणसभामा परिणत भएको थियो । त्यति बेलासम्म भूमिगत रहेका गठबन्धका संयोजक डा.सिके राउत एकाएक कोणमा सम्बोधन गर्न सुरु गरे ।  

डा.राउतले कोणसभमा स्वतन्त्र मधेसको विकल्प नरहेको बताएका छन् । स्वतन्त्र मधेसको लागि जारी रहेको आफूहरुको अभियान कसैले पनि असफल पार्न नसक्ने समेत उनले दावी गरेका छन् ।

यस्ते डा.सिके राउतका कार्यकर्ताहरुले प्रदेश २ सभा भवनको मूलगेटमा स्वतन्त्र मधेस गठबन्धनको झण्डा समेत फहराएका छन् ।

अन्तिम अपडेट: पुस १, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो। 

2 Comments

  • भावुक संघर्ष

    Sept. 20, 2018, 10:44 a.m.

    सिके रावत को जस्तो खुल्लेयाम देश द्रोह नियन्त्रन गर्न र मदेश समस्या हल गर्न जरुरी छ सरकार

  •  0 Reply

  • भावुक संघर्ष

    Sept. 20, 2018, 10:43 a.m.

    सिके रावत को जस्तो खुल्लेयाम देश द्रोह नियन्त्रन गर्न र मदेश समस्या हल गर्न जरुरी छ सरकार

  •  0 Reply

तपाईको प्रतिक्रिया

समाचार

लोकप्रिय

१

रुसको कुर्स्क क्षेत्रमा ३० जना उत्तर कोरियाली सैनिक मारिए वा घाइते भए : युक्रेन

२

मीनबहादुर गुरुङले एमालेलाई दानमा दिएको जग्गाविरुद्ध परेको रिट सर्वोच्चद्वारा खारेज

३

सालझण्डी–ढोरपाटन खण्डको काम १४ वर्षमा ३० प्रतिशत मात्र

४

काठमाण्डाैका पूर्वमेयर पीएल सिंहकाे अन्त्येष्टि

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई