सुगाैली सन्धि पछि नेपालले उल्टाे ५ गुणा बढी आयात गर्न थाल्याे : भट्टराई

जेठ ४, २०७९ बुधबार १७:३४:२ | उज्यालो सहकर्मी

काठमाण्डाै – जनता समाजवादी पार्टीका सङ्घीय परिषद् अध्यक्ष डा. बाबुराम भट्टराईले भारतसँगको असमान व्यापार सम्बन्ध सच्याउनुपर्ने आवश्यकता भएको बताउनुभएको छ ।

आज बुधवार प्रतिनिधि सभा बैठकमा आउँदाे आर्थिक वर्ष २०७९/८० का लागि विनियोजन विधेयकको सिद्धान्त र प्राथमिकता सम्बन्धमाथिको छलफलमा बोल्दै अध्यक्ष भट्टराईले यस्तो बताउनुभएको हो । उहाँले नेपालले भारतसँग सुगाैली सन्धि पछि देश परनिर्भतामा गएकाले विगतमा भारतसँग भएका व्यापार सन्धिहरू पुनरावलोकन हुनुपर्ने आवश्यकता देखिएको बताउनुभयो ।

भट्टराईले भन्नुभयाे, भारत र नेपालबीचको असमान व्यापार सम्बन्ध तत्काल सच्याउनुपर्ने भएको छ । सुगाैली सन्धि भन्दा पहिले नेपालबाट भारतमा पाँच गुणा बढी निर्यात हुन्थ्याे तर त्याे सन्धिपछि नेपालले उल्टो पाँच गुणा बढी आयात गर्न लागेको छ । अहिले भारतबाट नेपालले निर्यातभन्दा १५ गुणा बढी आयात गर्ने गरेकाे छ ।’

उहाँले गतिहीनता र वैदेशिक परनिर्भरता नै नेपाली अर्थतन्त्र पछाडि पर्नुको मुख्य कारण रहेको बताउनुभयो । उहाँले आउँदाे वर्षको बजेटमा सरकारले उत्पादनमा आधारित अर्थतन्त्र निर्माणमा बल पुग्ने गरी बजेट ल्याउनुपर्ने बताउनुभयो ।

भट्टराईले नेपाल अझै गरिबीकाे रेखामुनि रहेको बताउनुभयो । अहिले नेपालको अर्थतन्त्रलाई श्रीलङ्कासँग तुलना गर्न नमिल्ने उहाँकाे भनाइ छ । नेपालकाे अर्थतन्त्र पुँजीवादमा नै निर्माण गर्न नसकेको अवस्थामा समाजवादमा तत्काल पुग्न नसकिने भट्टराईको भनाइ छ । सरकारले अब पालिकामा ७० प्रतिशत बजेट पठाउनुपर्ने उहाँले बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सुगाैली सन्धि पछि नेपालले उल्टाे ५ गुणा बढी आयात गर्न थाल्याे : भट्टराई

फाइल फाेटाे

तपाईको प्रतिक्रिया