२०४८ सालदेखिकाे एमालेकाे जनमतमा तलमाथि भएकाे छैन : ज्ञवाली

जेठ ५, २०७९ बिहीबार १६:३७:४४ | उज्यालो सहकर्मी

काठमण्डाै – नेकपा एमालेका उपमहासचिव प्रदीप ज्ञवालीले पालिका चुनावमा पार्टीको जनमत यथावत् रहेको बताउनुभएको छ । आज बिहीवार प्रतिनिधि सभा बैठकका लागि संसद भवन पुग्नुभएका ज्ञवालीले सञ्चारकर्मीहरूसँगकाे कुराकानीमा आफूहरूको जनमत यथावत् रहेको बताउनुभएको हो । उहाँले अन्य पार्टीसँग थोरै मतअन्तर रहेका ठाउँहरूमा गठबन्धनका कारण आफूहरूको पराजय भएको बताउनुभयो ।

ज्ञवालीले भन्नुभयो, ‘हामी देशैभरिको तथ्यहरू सङ्कलन गरिरहेका छौँ । हाम्रो समग्र जनमत यथावत् छ । तर पाँच सय, एक हजारको प्रतिस्पर्धामा रहेका ठाउँहरूमा एउटा अर्को पार्टी थपिनेबित्तिकै त्यसले परिणाममा त फरक पार्ने भयाे । हाम्रो औसत जनमत, ४८ सालकाे चुनावदेखिकाे लोकप्रिय मतमा तलमाथि भएको म देख्दिनँ ।’

उहाँले पार्टीकाे आन्तरिक कारणले पनि कतै–कतै चुनाव हारेको भन्दै त्यसको समीक्षा गर्ने बताउनुभयो । उपमहासचिव ज्ञवालीले संसदको यस अधिवेशनमा संवेदनशील खालका विधेयकहरू टुङ्ग्याउनुपर्ने र त्यसमा एमालेको सहयोग हुने बताउनुभयो ।

ज्ञवालीले नेकपा (एकीकृत समाजवादी) लाई सभामुख र अदालतले बचाइदिएको भए पनि जनताले नबचाइदिएको टिप्पणी गर्नुभयो ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्