फिफा वरीयतामा नेपाल एक स्थान माथि उक्लियो, फ्रान्स र बेल्जियम शीर्ष स्थानमा

असोज ४, २०७५ बिहीबार १८:०:११ | एजेन्सी

नेपालले फिफा वरीयतामा एक स्थान सुधार गरेको छ ।

विश्व फुटबलको सर्वोच्च निकाय फिफाले आज सार्वजनिक गरेको नयाँ वरीयतामा नेपाल १सय ६० औं स्थानमा आएको छ । यसअघि नेपाल १६१औं स्थानमा थियो ।

गत महिना ९९९ अंक रहेको नेपालले हालै साफ च्याम्पियन्ससिप खेलेको र सेमिफाइनल सम्म पुगेकाले १००४ अंक पुर्याउँदै १६० औं स्थानमा आएको हो ।

साफ खेलेका टिममध्ये भारत शीर्ष स्थानमा रहेको छ । भारत फिफा वरीयतामा ९७ औं स्थानमा रहँदा उपाधि विजेता माल्दिभ्स १५१औं र नेपाल १६० औं स्थानमा रहेको छ । यसैगरी भुटान १८८औं स्थानमा रहँदा श्रीलंका १९९औं र पाकिस्तान २००औं स्थानमा छ ।

नयाँ वरीयतामा विश्वकप विजेता फ्रान्स र तेस्रो भएको बेल्जियम संयुक्त रुपमा शीर्ष स्थानमा छन् । दुवैकोे १७२९ अंक रहेको छ । यसैगरी ब्राजिल तेस्रो स्थानमा रहँदा विश्वकपको उप विजेता बनेको क्रोएसिया चौथो स्थानमा रहेको छ ।

त्यसैगरी उरुग्वे, इंग्ल्याण्ड, पोर्चुगल र स्वीट्जरल्याण्ड क्रमशः पाँचौ देखि आठौं स्थानमा रहेका छन् । स्पेन नवौँ स्थानमा रहँदा डेनमार्क दशौं र अर्जेन्टिना ११ औं स्थानमा छ । चिली र जर्मनी संयुक्त रुपमा १२औं स्थानमा छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्