कतार एअरवेजले महामारीकै बीचमा कमायो अहिलेसम्मकै धेरै १ अर्ब डलरभन्दा धेरै नाफा

असार २, २०७९ बिहीबार १९:३०:५ | एजेन्सी

कोरोना महामारीकै बीचमा कतार एअरवेजले अहिलेसम्मकै धेरै नाफा कमाएको छ । आज बिहीवार सार्वजनिक भएको विवरणअनुसार कतार एअरवेजले आर्थिक वर्ष २०२१/२२ मा एक अर्ब चार करोड अमेरिकी डलर नाफा कमाएको हो ।

यो अघिल्लो आर्थिक वर्षको तुलनामा दुई सय प्रतिशतले धेरै हो । कतार एअरवेजले आफ्नो २५ वर्षे इतिहासमा यति धेरै नाफा कहिले पनि गरेको थिएन । कतार एअरवेज समूहका प्रमुख कार्यकारी अकबर अल बकरले यो नाफा सन् २०२१/२२ मा संसारका कुनै पनि एअरलाइन्सको भन्दा उत्कृष्ट रहेको बताउनुभएको छ ।

कोरोना महामारीको समयमा पनि कतार एअरवेजले धेरैजसो चार्टर्ड र कार्गो सेवालाई निरन्तरता दिएको थियो । कम्पनीले उडान गर्ने हरेक अवसरलाई अधिकतम बनाउँदै लैजाने र नयाँ–नयाँ गन्तव्यको खोजी भइरहेको पनि जनाएको छ ।

कतार एअरवेजले संसारभरका सबै महत्त्वपूर्णहित एक सय ४० भन्दा धेरै गन्तव्यमा उडान गर्दै आएको छ । कम्पनीसँग अहिले दूई सय ५० वटाभन्दा धेरै जहाज रहेका छन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्