अवैध ऋण लगानी गरी मिटरमा ब्याज लिने घटना बढ्दो, सचेत रहन प्रहरीको आग्रह

असार ११, २०७९ शनिबार ७:३७:१३ | उज्यालो सहकर्मी

काठमाण्डाै - पछिल्लो समय अवैध ऋण लगानी गरी मिटरमा ब्याज लिने घटना बढेका प्रहरीले जनाएको छ ।

ऋण लगानी गरी मिटरमा ब्याज लिने र त्यसमा रकमको धेरै गुणा तिरिसक्दा पनि तमसुक चेक वा जग्गा फिर्ता नदिइ उठीबास गराउने घटना बढ्न थालेको नेपाल प्रहरीले जनाएको छ ।

पछिल्लो पटक मिटर ब्याज पीडितले काठमाण्डौमा धर्ना, जुलुसलगायतका विरोधका कार्यक्रम गर्दै आएका छन् । यस्ता घटनामा उजुरी प्राप्त भएपछि कसुरदारलाई अनुसन्धान गरी कानुन अनुसार कारबाही भइरहेको पनि प्रहरीको भनाइ छ । यस्ता विरोधका कार्यक्रमबाट शान्ति सुरक्षा समेतमा प्रतिकूल असर पर्ने भएकोले प्रहरी प्रधान कार्यालय एवम् केन्द्रीय अनुसन्धान ब्युराेले ध्यानाकर्षण भएको जनाएको छ ।

नवलपरासी पश्चिम प्रतापपुर गाउँपालिका–९, बेलाटारीका ५६ वर्षका सुनिल बानियाँ भनिने सुनिल कुमार गुप्ता र वर्ष ६५ का जगदिश बानियाँ भनिने जगदिश कानुलाई पक्राउ गरी अनुसन्धान कार्य भइरहेको प्रहरीको केन्द्रीय अनुसन्धान ब्युराेले जानकारी दिएको छ ।

ब्युराेले यस्ता कसुरमा संलग्न व्यक्तिलाई कानुनअनुसार कारबाही गर्न कोही व्यक्ति पीडित भए आधार प्रमाणसहित नजिकको प्रहरी कार्यालयमा सम्पर्क गर्न पनि आग्रह गरेको छ । यसका साथै वैदेशिक रोजगारीको प्रलोभन, फोन, मेल र सामाजिक सञ्जालको दुरुपयोग पनि बढेको छ ।

सामाजिक सञ्जालमा साथी बनाइ चिठ्ठा ठगी, उपहारका नाममा ठगी, सस्तो मूल्यमा सामान पठाइ दिने भनि ठगी, विदेशी नागरिकहरुको आवरणमा आकर्षक गन्तव्यमा पठाइ दिने, बिहे गर्ने, व्यापारिक साझेदार बनाउने वा समाज सेवाका नाममा डलरले भरिएका फोटोहरु देखाइ एवम् झुटा श्रव्य दृष्य सामग्रीहरु समेत पठाइ भ्रममा पारि ठगी गर्ने घटना पनि बढ्न थालेका छन् ।

नजिकका व्यक्ति बनी आकस्मिक रुपमा फोनका माध्यमबाट पैसा मागेर ठगी गर्ने, मोबाइल बैङ्किङ्गका पासवर्ड र बैंकका विवरणहरु मागी रकम झिक्ने, सामाजिक सञ्जालमा भिडियो कल गरी अश्लिल फोटो तथा भिडियो लिइ अपलोड गरिदिने धम्की दिइ आपराधिक लाभ लिने, नेपालीहरुको बैंक खातामा अवैध रकम जम्मा गर्न लगाइ हुण्डीमार्फत विदेशमा पठाउन लगाउने वा नचिनेका व्यक्तिहरुलाई पैसा दिन लगाइ आपराधिक कार्यमा संलग्न गराउने, नेपालमा प्रतिबन्धित क्रिप्टोकरेन्सीलगायत भर्चुअल मुद्राबाट धेरै गुणा प्रतिफल दिने भनेर प्रलोभनमा पारि ठगी गर्नेतर्फ सचेत रहन प्रहरीको आग्रह छ ।

नेपाल प्रहरी प्रधान कार्यालय केन्द्रीय अनुसन्धान ब्युराेले विज्ञप्ति निकालेर यस्ता ठगीका घटनातर्फ सचेत रहन नागरिकलाई आग्रह गरेको हो ।

अन्तिम अपडेट: माघ ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अवैध ऋण लगानी गरी मिटरमा ब्याज लिने घटना बढ्दो, सचेत रहन प्रहरीको आग्रह

प्रतिकात्मक तस्बिर

तपाईको प्रतिक्रिया