लक्ष्मणलाल कर्ण र निरादेवी जैरुद्वारा पद तथा गोपनीयताको सपथ

असोज ७, २०७५ आइतबार १७:२८:५६ | उज्यालो सहकर्मी

काठमाडाैं - संसदीय सुनुवाई विशेष समितिका सभापति लक्ष्मणलाल कर्ण र राज्यका निर्देशक सिद्धान्त, नीति तथा दायित्वको कार्यान्वयन, अनुगमन तथा मूल्यांकन समितिको सभापति निरादेवी जैरुले पद तथा गोपनीयताको सपथ लिनुभएको छ ।

सभामुख कृष्णबहादुर महराले संसदीय सुनुवाई विशेष समितिका सभापति कर्ण र राज्यको निर्देशक सिद्धान्त, नीति तथा दायित्वको कार्यान्वयन, अनुगमन तथा मूल्यांकन समितिकी सभापति जैरुलाई आइतबार अपरान्ह सिंहदरबारमा पद तथा गोपनीयताको सपथ खुवाउनु भएको हो ।

यस अघि बसेको समितिको छुट्टाछुट्टै बैठकले कर्ण र जैरुलाई सभापतिमा निर्विरोध चयन गरेको थियो ।

नवनिर्वाचित सभापतिद्धय कर्ण र जैरुलाई सभामुख कृष्णबहादुर महरा र राष्ट्रियसभाका अध्यक्ष गणेशप्रसाद तिमिल्सिनाले सफल कार्यकालको शुभकामना पनि व्यक्त गर्नु भयो ।

संसदीय सुनुवाई विशेष समितिका नवनिर्वाचित सभापति कर्ण राष्ट्रिय जनता पार्टी, नेपालका सांसद हुनुहुन्छ भने राज्यका निर्देशक सिद्धान्त, नीति तथा दायित्वको कार्यान्वयन, अनुगमन तथा मूल्यांकन समितिको नवनिर्वाचित सभापति जैरु सत्तारुढ नेपाल कम्युनिष्ट पार्टी (नेकपा) का सांसद हुनुहुन्छ ।

अन्तिम अपडेट: माघ ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्