‘भूकम्प ठूलो हो तर क्षतिको जानकारी आएको छैन’

साउन १५, २०७९ आइतबार ९:३०:३३ | उज्यालो सहकर्मी

काठमाण्डाै - खोटाङको मात्तिमबिर्ता केन्द्रबिन्दु भएर ठूलो भूकम्प गए पनि क्षतिको जानकारी नआएको जिल्ला प्रशासन कार्यालयले जनाएको छ ।

खोटाङका प्रमुख जिल्ला अधिकारी सूर्यप्रसाद सेडाईंले भन्नुभयो, ‘भूकम्पको ठूलो धक्का महसुस भयो तर अहिलेसम्म क्षतिबारेको विवरण आएको छैन ।’

राष्ट्रिय भूकम्प मापन केन्द्रका वरिष्ठ भूकम्पविद् डा. लोकविजय अधिकारीकाअनुसार बिहान ८ बजेर १३ मिनेटमा खोटाङ केन्द्रबिन्दु भएर ६ रेक्टर स्केलको भूकम्प गएको हो ।

भूकम्पको धक्का खोटाङ र काठमाण्डौसहित देशका धेरै ठाउँमा महसुस गरिएको थियो । खोटाङका प्रमुख जिल्ला अधिकारी सेडाईँका अनुसार ४ देखि १० सेकेण्डसम्मको धक्का महसुस भएको थियो ।

क्षतिको विवरण नआएको र विपद् व्यवस्थापनमा खटिने टोली तथा सुरक्षा निकायलाई तयारी अवस्थामा रहन भनिएको पनि प्रमुख जिल्ला अधिकारी सेडाईँले जानकारी दिनुभयो ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्