कांग्रेसले संसदमा सोध्यो : निजगढ विमानस्थलबारे वनमन्त्री र पर्यटनमन्त्रीबीच विवाद किन ?

असोज ९, २०७५ मंगलबार १६:४०:३६ | उज्यालो सहकर्मी

काठमाडौं – प्रमुख प्रतिपक्षी दल नेपाली कांग्रेसले राष्ट्रिय गौरवको आयोजना निजगढ विमास्थल निर्माणको समग्र कार्ययोजनाबारे सदनलाई जानकारी गराउन माग गरेको छ ।

निजगढ विमानस्थल निर्माणका बारेमा सरकारका मन्त्रीहरुको नै आपसमा विवादित भनाईहरु सार्वजनिक भएको भन्दै कांग्रेसले त्यसका प्रक्रियागत आधार सहितको कार्ययोजनाबारे सदनलाई जानकारी गराउन माग गरेको हो । राष्ट्रियसभाको मंगलबारको बैठकको विशेष समयमा बोल्दै नेपाली कांग्रेसका सांसद जितेन्द्र देवले विमानस्थल निर्माणबारे वन मन्त्री र पर्यटन मन्त्रीको विवादास्पद अभिव्यक्ति आइरहेको भन्दै विस्तृत कार्ययोजनासहित सदनलाई स्पष्ट पार्न माग गर्नुभयो ।

‘साइट क्लियरेन्सको जिम्मा नेपाली सेनालाई दिइसकेका बेला आज आएर बखेडा किन ?’, भन्दै उहाँले प्रश्न गर्नुभयो । विभिन्न विषयको बखेडा झिकेर वनमन्त्री र पर्यटन मन्त्रीले आयोजना निर्माणका सम्बन्धमा हल्का कुरा गरेको दावी उहाँले गर्नुभयो ।

उहाँले भन्नुभयो, ‘राष्ट्रिय गौरवको आयोजना अघि बढाउने कि नबढाउने ? राष्ट्रिय गौरवको आयोजना हो भने कति समयमा पार लगाउने यसलाई ? संस्कृति, पर्यटन नागरिक उड्डयन मन्त्री आफै सदनमा आएर साइट क्लियरेन्सको बारेमा, मोडालिटीको बारेमा, ईआईए को रिपोर्टको बारेमा लगायत क्षेत्रफल कति हुने लगायत सदनलाई जानकारी दिनुपर्छ ।’

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्