पहिरोमा फसेका सबै गाडी पार हुन नपाउँदै फेरि पहिरो, लेन अनुशासन पालना गर्न आग्रह

साउन १८, २०७९ बुधबार ८:३२:२९ | उज्यालो सहकर्मी

काठमाण्डाै – सोमबार राति ११ बजेतिर पहिरोले बन्द भएको मुग्लिन–नारायणगढ सडक मंगलबार राति साढे १० बजेतिर खुल्यो । झण्डै २४ घण्टासम्म रोकिएका सबै गाडी पार हुन नपाउँदै फेरि त्यही ठाउँमा पहिरो खस्यो र अहिले फेरि सडक अवरुद्ध भएको छ ।

पहिराेले फेरि बन्द भएपछि डाेजर लगाएर पहिराे पन्छाइँदै

भरतपुर महानगरपालिका २९ मा पर्ने मौरीपुल केराबारीमा पहाडको ढिस्को नै खसेकाले पहिरो पन्छाउन समस्या भएको छ । ‘सोमबार राति बल्लबल्ल सडक खुलाएका थियौं, चारघण्टामै उसैगरी अर्को पहिरो खस्दा सडक अवरुद्ध भयो’ डिभिजन सडक कार्यालय भरतपुरका इञ्जिनियर सागर कार्कीले उज्यालोलाई जानकारी दिनुभयो ।

गएराति चार घण्टा सडक खुल्दा अघिल्लो रातिदेखि रोकिएका सबै गाडी पार हुन पाएनन् । सडक खुलेको बेला धेरै गाडी पार भए, तर सबै पार हुन पाएनन्’ इञ्जिनियर कार्कीले भन्नुभयो, ‘पहिरो खुलेलगत्तै सबै गाडी लेन अनुशासनको वास्तै नगरी तँछाडमछाड गरी चल्दा जाम हुने गरेको छ । पहिरोको जामले भन्दा पनि गाडीको जामले सबै गाडी पार हुन पाएनन् ।’

सडक खुलेपछि लेन अनुशासन पालना गरेर मात्रै गाडी चलाउन उहाँले आग्रह गर्नुभएको छ । ‘फेरि खसेको पहिरो पन्छाउने काम भैरहेको छ, केही घण्टामै सडक खुल्न सक्छ । सडक खुलेको बेला सबै गाडीले लेन अनुशासन पालना गरेमा समस्या हुँदैन’ उहाँले भन्नुभयो ।

काठमाण्डौ उपत्यकालाई देशका मुख्य ठाउँसँग जोड्ने मुग्लिन–नारायणगढ सडक खण्डमा बारम्बार पहिरो खसेर सडक अवरुद्ध हुँदा गाडी चालक, सहचालक र यात्रुको बिचल्ली हुने गरेको छ ।

मुग्लिन–नारायणगढ सडक खण्डमा यात्रुको बिचल्ली, खाना र पानीको समस्या भए खबर गर्न प्रहरीको अनुरोध (तस्बिरसहित)

मुग्लिन–नारायणगढ सडकखण्ड फेरि अवरुद्ध, केराबारीमा पहाडको ढिस्कोसहितको पहिरो

तस्बिर साभार : सडक डिभिजन कार्यालय, भरतपुरका इन्जिनियर सागर कार्कीकाे फेसबुकबाट

अन्तिम अपडेट: माघ २४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पहिरोमा फसेका सबै गाडी पार हुन नपाउँदै फेरि पहिरो, लेन अनुशासन पालना गर्न आग्रह

गएराति मुग्लिन–नारायणगढको पहिरो पन्छाएको बेला पानी बगिरहेको सडकमा चल्दै गरेका गाडी ।

तपाईको प्रतिक्रिया