भारतसँगकाे हारले धेरै पाठ सिकायाे : आयुष घलान

साउन १९, २०७९ बिहीबार १९:३१:२३ | उज्यालो सहकर्मी

काठमाण्डाै – भारतमा आयोजना भएको २० वर्षमुनिकाे साफ च्याम्पियनशिपमा सहभागी भइ बिहीवार नेपाली युवा टोली स्वदेश फर्किएको छ ।

आयोजक भारतसँगै नेपाल, माल्दिभ्स, श्रीलङ्का र बङ्गलादेशले सहभागिता जनाएको प्रतियोगितामा सहभागी भएर नेपाल टोली स्वदेश फर्किएको हो । प्रतियोगितामा चार खेल खेलेको नेपालले दुई खेलमा जित, एक खेलमा हार र एक खेल बराबरी खेलेको थियो । उपाधिको लक्ष्यसहित भारत प्रस्थान गरेकाे टोलीले सुरुका दुई खेलमा राम्रो प्रदर्शन गरे पनि बाँकी दुई टोलीसँग अपेक्षाअनुसारको प्रदर्शन गर्न असफल भएको थियो । कोरोनाका कारण उमेर समूहका खेल प्रभावित हुँदा खेलाडी खुला प्रतिस्पर्धाबाट छनोट गरिएको थियो । सुरुवाती दुई खेलमा सुखद नतिजा निकाल्दा तारिफ पाएका प्रशिक्षक मेघराज केसी भारतसँगको हारपछि भने आलोचित भएका थिए ।

बिहीवार स्वेदश फर्किएका प्रशिक्षक केसीले तेस्रो खेलमा भारतसँगकाे पराजयले दक्षिण एसियामा नेपाली टोलीको मेहनत नपुगेको स्वीकार गरे । उनले मेहनतका बाबजुत पनि नतिजा अपेक्षाअनुसारको हात नलाग्दा आफू निकै दुःखी भएको बताए ।

यस्तै कप्तान आयुष घलानले भारतसँगको हारले टोलीलाई धेरै पाठ सिकाएको बताए । फराकिलो पराजय भए पनि भारतसँगको खेलबाट नेपाली टोलीमा शारीरिक खेल र टेक्किकल विषयमा अझै मेहनत गर्न आवश्यक रहेको घलानको बुझाइ रह्यो । भारतसँग फराकिलो हार हुनुमा खेलाडीमा अनुभव कम भएको उनले बताए ।

राउन्ड रोबिन लिगको प्राणालीमा आयोजना भएको प्रतियोगितामा नेपाल तेस्रो बन्दा फाइनलको ढोका बन्द भएको थियो । प्रतियोगिता अन्तर्गत पहिलो खेलमा नेपालले माल्दिभ्सलाई ४–० ले पराजित गर्दा दोस्रो खेलमा श्रीलङ्कामाथि ३–० को जित निकालेको थियो । तेस्रो खेलमा भारतसँग ८–० को लज्जास्पद हार भोगेको नेपालले अन्तिम खेलमा बङ्गलादेशसँग १–१ को बराबरी खेलेको थियो । प्रतियोगितामा भारत र बङ्गलादेश शीर्ष दुई टोली फाइनल प्रवेश गरेका छन् । फाइनल भाेलि शुक्रवार हुँदैछ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्