राजकुमार लेखीलाई हराउँदै थाकसको अध्यक्षमा धनीराम चौधरी निर्वाचित

असोज १०, २०७५ बुधबार १२:५४:१५ | उज्यालो सहकर्मी

काठमाडौं – थारु कल्याणकारिणी सभा (थाकस)को २२ औँ महाधिवेशनबाट अध्यक्षमा धनीराम चौधरी निर्वाचित हुनुभएको छ ।

धनीरामले अध्यक्षका प्रतिद्वन्द्वी पूर्वमहामन्त्री एवं राजपाका महासचिव राजकुमार लेखीलाई १२ भोटले हराउँदै अध्यक्ष पदमा निर्वाचित भएको निर्वाचन अधिकृत श्रवणकुमार चौधरीले जानकारी दिनुभयो ।

धनीरामले ८२ भोट पाउँदा राजकुमारले ७० भोट प्राप्त गर्नुभयो । यस्तै अध्यक्षमा उम्मेदवारी दिएका अर्का उम्मेदवार विश्राम महतोले भने जम्मा १० भोट प्राप्त गर्नुभयो ।

यस्तै थारु कल्याणकारिणी सभा जिल्ला सभापतिहरुमा पनि रौतहटबाहेक सबैमा सर्वसम्मतिले केन्द्रीय सदस्यहरु निर्वाचित भएका छन् । झापाबाट हरिनारायण चौधरी सर्वसम्मत केन्द्रीय सदस्यमा चयन भएका छन् भने मोरङबाट कन्नुलाल चौधरी, सुनसरीबाट पुनितलाल चौधरी चयन भएका छन्।

यस्तै उदयपुरबाट जयराम पञ्जियार, सप्तरीबाट साबित्री चौधरी,सिरहाबाट वीरेन्द्र चौधरी, धनुषाबाट उत्तम चौधरी, महोत्तरीबाट चन्द्र नारायण सिंह थारु, रौतहटबाट अधिकलाल चौधरी निर्वाचित भएका छन्।

त्यसैगरी बाराबाट हृदयनारायण चौधरी, पर्साबाट बृजमोहन चौधरी, मकवानपुरबाट जानकी चौधरी, चितवनबाट राजेन्द्र चौधरी, नवलपरासीबाट नरेश चौधरी र रुपन्देहप्बाट देवीप्रसाद चौधरी सर्वसम्मतिले केन्द्रीय सदस्य चयन भएका छन्।

यस्तै कपिलवस्तुबाट जञ्जीरप्रसाद चौधरी, दाङबाट चूर्णबहादुर चौधरी, सुर्खेतबाट कृष्ण बहादुर थारु, बाँकेबाट नेमनारायण सिंह थारु र बर्दियाबाट मिनराज चौधरी चुनिएका छन् भने कैलालीबाट रामचरण चौधरी र कञ्चनपुरबाट भागिरथ राना थारु केन्द्रीय सदस्यमा सर्वसम्मतिले चयन भएका छन्।

त्यस्तै थारु कल्याणकारिणी सभाले ९ जना महिला केन्द्रीय सदस्यहरुको लागि १३ जनाले उम्मेदवारी दिएपछि चुनाव गराउनु परेको थियो।

महिला केन्द्रीय सदस्यहरुमा निर्वाचित हुनेहरुमा दिलकुमारी चौधरी, विष्णकुमारी चौधरी, कृष्णमाया चौधरी, यशोदा चौधरी, सुमित्रा कुमारी चौधरी, इन्दु चौधरी, सरस्वती चौधरी, उर्मिलादेवी चौधरी र लक्ष्मी चौधरी हुनुहुन्छ ।

निर्वाचित सबै पदाधिकारीहरुलाई प्रमुख निर्वाचन अधिकृतले सपथ ग्रहण गराउनु भएको थियो ।

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्