औषधि व्यवस्था विभागद्वारा गुल्मीका दुईवटा औषधि पसलमा शिलबन्दी

असोज ११, २०७५ बिहीबार १०:२१:४० | जनार्दन घिमिरे

गुल्मी – औषधि व्यवस्था विभागले गुल्मीका दुई वटा औषधि पसलहरुमा शिलबन्दी गरेको छ । औषधि व्यवस्था विभागका प्रतिनिधिको संयोजकत्वमा जिल्ला प्रशासन कार्यालय, जिल्ला जनस्वास्थ्य कार्यालय र जिल्ला प्रहरी कार्यालयका प्रतिनिधिसहितको संयुक्त अनुगमन टोलीले गुल्मीको रुरु गाउँपालिका अन्तर्गत रिडी बजारका पपुलर मेडिकल हल र जीवन मेडिकल हलमा शिलबन्दी गरेको हो ।

अनुगमन टोलीले औषधि व्यवस्था विभागको निर्देशिका अनुसार औषधि पसलहरु संचालन नगरेको फेला पारेपछि यो पसलमा शिलबन्दी गरिदिएको हो । पसलमा शिलबन्दी गरेपछि पसल संचालकहरुलाई आवश्यक कागजातसहित एक साता भित्रमा विभागमा सम्पर्क गर्नसमेत निर्देशन दिइएको छ ।

जिल्ला प्रशासन कार्यालय गुल्मीले वुधबार कार्यालयमा पत्रकार सम्मेलन गरी सदरमुकाम भित्र सञ्चालनमा रहेका १९ वटा र सदरमुकाम बाहिराक चार वटा गरी २३ वटा औषधि पसलहरुमा अनुगमन गरेको गुल्मीका प्रमुख जिल्ला अधिकारी यदुनाथ पौडेलले जानकारी दिनुभयो ।

अनुगमनको क्रममा जिल्लामा कतिपय औषधि पसलहरुले आधारभूत प्रकृया पूरा नगरी क्लिनिक संचालन गरेको भेटिएको भन्दै सदरमुकाम तम्घासका थप चार वटा औषधि पसलहरुलाई सेवा बन्द गर्न समेत निर्देशन दिएको औषधि व्यवस्था विभागका निरिक्षक एवं अनुगमन समितिका संयोजक भुपेन्द्र कुमार पौडेलले बताउनु भयो ।

बजार अनुगमनको क्रममा औषधि पसलहरुलाई पसलमा देखिएका कतिपय कमी कमजोरीहरुलाई तत्काल सुधार गरेर पसल संचालन गर्न अनुगमन समितिले निर्देशन दिएको छ । औषधि व्यवस्था विभागले केही दिनदेखि गुल्मीका औषधि पसलहरुमा छड्के अनुगमन गर्दै आइरहेको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्