निजगढ विमानस्थल निर्माणको विषयमा अनावश्यक बखेडा नझिक्न नेता नेपालको आग्रह

असोज ११, २०७५ बिहीबार १५:१५:४ | उज्यालो सहकर्मी

काठमाडौं – नेकपाका वरिष्ठ नेता माधवकुमार नेपालले निजगढ विमानस्थल निर्माण हुन नदिन रुख कटानको हल्ला चलाइएको बताउनुभएको छ ।

संसदमा दर्ता भएको सार्वजनिक महत्वको प्रस्तावमाथि आफ्नो धारणा राख्दै नेता नेपालले बाहिर प्रचार गरिएजस्तो रुख कटान नहुने आफूले बुझेको बताउनुभयो ।
भौतिक निर्माणका लागि जति क्षेत्रको रुख कटान गर्न पर्ने हो त्यो भन्दा एउटा पनि बढी रुख काट्न नहुने उहाँले बताउनुभयो ।

नेपालले भन्नुभयो, ‘रुखजम्मै कटान गरेर सखापै पार्ने भयो भन्ने अहिले जुनप्रकारको प्रचार गरिएको छ यो भनेको नेपालमा कुनै पनि काम गर्न नदिने षड्यन्त्र स्वरुप आएको हो ।’

निजगढमा बन्न लागेको अन्तरर्राष्ट्रिय विमानस्थल सबै भन्दा उपयुक्त ठाउँ रहेको पनि उहाँले बताउनुभयो ।

‘विभिन्न बखेडा झिकेर उद्योग धन्दा खोल्नै नदिने, विमानस्थल बनाउन नदिने, नदीनाला उपयोग गर्न नदिने, बिजुली उत्पादन गर्न नदिने भनेको नेपालमा कुनै पनि काम गर्न नदिने षड्यन्त्र भइरहेको हो । यो हामी सबैले बुझ्नु आवश्यक छ’, उहाँले भन्नुभयो ।

नेता नेपालले जुन कुराको निर्णय भइसकेको छ त्यसलाई कुनै हालतमा नरोकी अगाडि बढाउन सम्बन्धित मन्त्रालयलाई आग्रह गर्नुभयो ।

त्यस्तै उहाँले दुईतिहाईको सरकारबाट जनताले ठूलो आशा र अपेक्षा राखेको भन्दै उहाँले मुलुकको हर समस्या समाधान गर्ने संकल्प र आँटका साथ अघि बढ्न सरकारलाई सुझाव दिनुभयो ।

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्