१० वर्षीय बालकको हत्या गरेको आरोपमा काका पक्राउ

असोज ११, २०७५ बिहीबार २०:२६:३१ | उषा तामाङ

दोलखा – शैलुङ गाउँपालिका वडा नम्बर –८, भैसेको जंगलमा मृत अवस्थामा फेला परेका बालकको हत्याको आरोपमा दोलखा प्रहरीले मृतक बालककै काकालाई पक्राउ गरेको छ ।

भदौ २७ गतेबाट भैसे बजार जान हिँडेका १० वर्षीय बालक कुशल विकको हत्या आरोपमा मृतकको काका पर्ने २५ वर्षीय उमेश विकलाई दोलखा प्रहरीले पक्राउ गरेको हो ।

शव फेला परेको २४ घण्टा नबित्दै अभियुक्त विकलाई पक्राउ गरेको दोलखाका प्रहरी निरीक्षक माधवप्रसाद काफ्लेले जानकारी दिनुभयो । अभियुक्त विकले अपराध स्वीकार गरिसकेको र किटानी जाहेरी लिई थप अनुसन्धान अघि बढाइएको काफ्लेले बताउनुभयो ।

शैलुङ्गेश्वरका रमेश विश्वकर्मा र मैया विश्वकर्माको कान्छो छोरा कुशलको शव हराएको १५ दिन पछि बुधबार दिउँसो स्थानीय नागरिकले भेटेका थिए ।

शैलुङको भैसेडाँडाभन्दा २ किलोमिटर माथिको जङ्गलमा आधा शरीर पुरिएको अवस्थामा कुशलको शव फेला परेको थियो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्