प्रदीप गिरिमा पद र सत्ताकाे लाेभ थिएन : पाैडेल

भदौ १६, २०७९ बिहीबार १९:३२:२१ | उज्यालो सहकर्मी

काठमाण्डाै – नेपाली कांग्रेसका वरिष्ठ नेता रामचन्द्र पौडेलले स्व. नेता प्रदीप गिरिलाई मुक्तचेताको रूपमा स्मरण गर्नुभएको छ ।

बिहीवार काठमाण्डाैमा भएको १३ दिनको औँ दिनको स्मृति सभालाई सम्बोधन गर्दै वरिष्ठ नेता पौडेलले यस्तो बताउनुभएको हो । उहाँले गिरि विचारले समाजवादी र व्यवहारले मुक्तचेता रहेको भन्दै स्मरण गर्नुभयो ।

वरिष्ठ नेता पौडेलले गिरिलाई नेपाली कांग्रेसको इतिहासमा नै पद र सत्ताको लोभ नगर्ने पहिलो नेताकाे रूपमा सम्झिनुभयाे । पूर्वप्रधानमन्त्री स्व. कृष्णप्रसाद भट्टराईमा पनि पद र सत्ताको लुलुप्ता नरहेको तर सत्ताको खेल अलिअलि खेल्नुभएको भन्दै उहाँले भट्टराई भन्दा पनि गिरि सत्ताको खेलमा नलागेको बताउनुभयो ।

उहाँले भन्नुभयो, ‘प्रदीप गिरि विचित्रको हुनुहुन्थ्यो । विचारले समाजवादी र व्यवहारले मुक्तचेता । उहाँ कुनै बन्धन र सीमामा बाँधिनु भएन । उहाँमा सत्ताको कुनै पनि लोभ रहेन । सत्तालाई त्यत्ति धेरै महत्त्व कृष्णजीले पनि दिनु हुन्नथ्यो । तर पनि उहाँ सत्ताको खेल अलिअलि खेल्नुहुन्थ्यो । तर प्रदीपजीले कहिले पनि खेल्नुभएन ।’

गिरिले आफूलाई लागेको कुरा निर्धक्कसँग जसको सामु पनि राख्ने र उहाँको व्याख्यामा कम्युनिस्टहरू पनि स्तब्ध भएर सुन्ने प्रतिभा रहेको पाैडेलले उल्लेख गर्नुभयो ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रदीप गिरिमा पद र सत्ताकाे लाेभ थिएन : पाैडेल

फाइल फाेटाे

तपाईको प्रतिक्रिया