मानो पुरा नभएर होला मलेसियामा त्यो दिन बाँचियो

 असोज १३, २०७५ शनिबार १२:१८:४९ | मेरो कथा मेरो भोगाई

विष्णुराज थापा क्षेत्री । 

अहिले म भारतको मुम्बईमा छु । तर केही वर्ष पहिला म मलेसिया गएको थिएँ । म मलेसियाको सेलेङगर भन्ने ठाउँमा काम गर्थें । आइतबार काम बिदा हुन्थ्यो । बिदाको दिन कहिले काहीँ घुम्न बाहिर निस्किन्थ्यौं । 

एक पटक बिदाको दिन साथीसँग भेट्न नजिकैको बजारसम्म पुग्नु थियो । गुल्मीको एक जना साथी र म जाँदा ट्याक्सीमा गयौं । साथीसँग भेटेर दुई घण्टापछि फर्किने भयौं । जाँदा ट्याक्सीमा गएकाले फर्किंदा हिँडेरै फर्किने भयौं । 

बाटोको एक ठाउँमा झाडी थियो । हामी त्यहाँ आइपुगेपछि तीन चार जना मान्छे त्यही झाडीबाट निस्किए । उनीहरुले साथीको घाँटीमा तरवार तेस्र्याए अनि लाइटर आडा भनेर सोधे । उनीहरुको भाषाले उनीहरु तमिल हुन भन्ने हामीले ठम्यायौं । हामीले लाइटर छैन भन्यौं । 

उनीहरुले हाम्रो खानतलासी गर्न थाले । तीमध्ये एक जनाले हामीसँग भएका मोबाइल, सामान निकाल्न थाल्यो । मेरो पर्समा भएको नेपाली पैसा पनि छोडेनन् तिनीहरुले । उनीहरुले त्यो पनि मलेसियाकै रिंगिट भन्ने सोचे होला ।

अँध्यारो पनि भइसकेको थियो । गर्धनमा तरवार थियो । यदी थोरै मात्रै चलाइदिएको भए हामी सकिन्थ्यौं । भएको सबै लुटेपनि धन्न तरवार चाहिँ चलाएनन् । हामी बाँच्यौं । 

सायद मानो पुरा भएको थिएन होला । त्यही भएर बाँच्यौं । अहिले त्यतिबेला बोनसमा पाएको त्यही जिन्दगी जिउँदैछु । अहिले पनि बसाइ त परदेशमै छ, भारतमा । कहिलेकाहीँ त यसरी परदेश हिँड्दा हिँड्दै पराइभूमीमै प्राण त्याग्नुपर्ने हो कि भन्ने लाग्छ । त्यसैले सरकारलाई म नेपालीका यस्ता दिन अन्त्य गर्दै देशमै रोजगारीको वातावरण बनाइदेओस भन्न चाहन्छु । 
 

अन्तिम अपडेट: मंसिर २९, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

2 Comments

  • Raaz Lama

    Oct. 7, 2018, 4:56 p.m.

    हावापानी र भौगोलिक हिसाबले मलेसिया राम्रो देश भए पनि सुरक्षाको हिसाबले यो देश रोजगारीको लागि अरु देशहरु भन्दा धेरै नै चुनौतीपूर्ण देश भएको नेपाल सरकारलाई र रोजगारमा जाने कामदार आफैलाई थाहा हुँदा हुँदै फेरि पनि यहीँ देशमा आफ्नो श्रम बेच्न नेपाली युवाहरू तछाड मछाड गरिरहेका छन् ! यो देशको सुरक्षानितिको बारेमा अन्तर्राष्ट्रिय मानवअधिकार संगठनका पहलमा अन्तर्राष्ट्रिय बहस हुन जरुरी देखिन्छ ! होईन भने यो देशमा बिदेशी कामदार बराम्बार लुटियो र मारियो भन्ने समाचार सुन्नु कुनै नौलो र अनौठो मान्नुपर्ने अवस्था देखिदैन !

  •  0 Reply

  • kailo kaji

    Sept. 30, 2018, 8:16 a.m.

    मलेसियामा तेस्ता घटना त सामान्य हुन।।पहिला कुटाइ खायर बल्ल लुटिने चलन रहेछ यहाँ ।।।

  •  0 Reply

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

जर्जियाको एक स्की रिसोर्टमा ११ जना भारतीय नागरिकसहित १२ जनाको शव भेटियो

३

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई