वीरगञ्जमा चिडियाखानाकाे शिलान्यास, वर्षाैँदेखिकाे सपना साकार भएकाे मन्त्री यादवकाे भनाइ

असोज ६, २०७९ बिहीबार १४:१:१७ | विमल बिष्ट

काठमाण्डौ – पर्साकाे वीरगञ्ज महानगरपालिका ३२ रामवनमा निर्माण गरिने प्राणी उद्यान सदर चिडियाखानाकाे आज बिहीवार शिलान्यास गरिएकाे छ । वन तथा वातावरण मन्त्री प्रदीप यादवले चिडियाखानाकाे शिलान्यास गर्नुभयाे ।

शिलान्यास कार्यक्रममा बाेल्दै मन्त्री यादवले वीरगञ्जमा पर्यटकीय स्थल नभएको र अब निर्माण गरिन लागिएको पर्सा प्राणी उद्यान सदर चिडियाखानाले समृद्धि र विकास ल्याउने बताउनुभयो । उहाँले भन्नुभयो, पर्सामा आन्तरिक तथा बाह्य पर्यटक भित्र्याउनका लागि र यहाँको समृद्धिसहित विकासका लागि पर्सा प्राणी उद्यान चिडियाखाना स्थापना गरेको छु, अब यहाँ पर्यटकको सङ्ख्या बढ्नुका साथै यहाँको विकासमा थप टेवा पुग्ने छ ।

मन्त्री यादवले आफू मन्त्री बनेदेखि पर्सामा प्राकृतिक चिडियाखाना निर्माणका लागि पहल थालेको र अहिले आएर त्याे काम सफल भएको बताउनुभयो । पर्सावासीको आर्यस्तर वृद्धि गर्न तथा पर्यटन प्रवर्द्धनका लागि वीरगञ्जमा चिडियाखाना निर्माण गर्ने आफ्नो वर्षाैँदेखिकाे सपना साकार भएको उहाँकाे भनाइ छ ।

यहाँ निर्माण गरिन लागिएकाे चिडियाखाना अवलोकन गर्न नेपाल तथा भारतका पर्यटक आउने भएकाले यहाँको पर्यटन प्रवर्द्धन र आर्थिक समृद्धि हुने अपेक्षा लिइएको छ । मन्त्री यादवकै पहलमा पर्सामा चिडियाखाना निर्माणका लागि मन्त्रिपरिषदमा प्रस्ताव पेस भएको थियो । मन्त्री यादवले पेस गर्नुभएको प्रस्तावलाई मन्त्रिपरिषद्को बैठकले अनुमति दिएपछि आज एक कार्यक्रमकाबीच शिलान्यास गरिएको हो ।

या चिडियाखाना एक अर्ब एक करोड सात लाख रुपैयाँमा निर्माण गर्न लागिएको राष्ट्रिय निकुञ्ज तथा वन्यजन्तु संरक्षण विभागका उपमहानिर्देशक अजय कार्कीले जानकारी दिनुभयो । उहाँका अनुसार वीरगञ्ज महानगरपालिकाको वडा नं. ३१ को सोलखपुर वडा नं. ३२ को रामवनमा प्राकृतिक चिडियाखाना स्थापना भएपछि यहाँ आन्तरिक तथा बाह्य पर्यटक भित्र्याउन सकिने छ । चिडियाखानाको क्षेत्रफलभित्र पर्ने तीन दशमलव एक हेक्टर क्षेत्रफलकाे अतिक्रमण हटाइ त्यस क्षेत्रसँग जोडिएको सबै साझेदारी वन क्षेत्रको सिमानामा तारबार गरिने भएको छ ।

यस क्षेत्रमा बाघ, चित्तल, खरायो, दुम्सी, वन बिरालो, पुट्के बँदेल लगायतका वन्यजुन्तुका साथै अण्डा खाने सर्प र मुसा खाने सर्प पनि पाइने गरेकाले यस ठाउँमा चिडियाखाना बनाउन उपयुक्त हुने राष्ट्रिय निकुञ्ज तथा वन्यजन्तु संरक्षण विभागका उप–महानिर्देशक अजय कार्कीले बताउनुभयो ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्