धादिङमा स्क्रप टाइफस र डेंगोको महामारी फैलिन सक्ने चेतावनी

असोज १३, २०७५ शनिबार १८:१९:२५ | सिताराम अधिकारी

धादिङ – धादिङमा स्क्रब टाइफस र डेंगो रोगका बिरामीको संख्या बढेसँगै महामारीको खतरा बढेको छ ।

स्क्रब टाइफस र डेंगो रोगका बिरामीको संख्या बढे पनि नियन्त्रणका लागि उपायहरु अपनाउन ढिलाइ भइरहेको स्वास्थ्यकर्मीहरुको आरोप छ । समुदायका मानिसहरु यसको नियन्त्रणका लागि उपाय खोजी गरेको भए पनि प्रविधिक दक्षता नहुने भएका कारण स्थानीयहरुलाई समस्या भएको हो ।

स्क्रब टाइफसका बिरामी १६ नाम र डेंगो रोगका बिरामी चारजना देखिएको जिल्ला अस्पतालका सूचना अधिकारी कृष्णलाल उप्रेतीले बताउनुभयो । गएको वर्ष डेंगो रोग महामारीको रुपमा फैलिएको धादिङमा नेपाल सरकार स्वास्थ्य मन्त्रालयको टोलीले डेंगो सार्न सक्ने लामखुट्टेको बाससस्थान पहिचान गरी लामखुट्टे परीक्षण गरिरहेको छ ।

धादिङबेसी बजारमा लामखुट्टेको परीक्षण गर्दा ७५ प्रतिशत लामखुट्टे डेंगो सार्न सक्ने भेटिएको र यसबाट बच्नका लागि सतर्कता अपनाउन स्वास्थ्य मन्त्रालयबाट परीक्षणका लागि सदरमुकाम आउनुभएका प्रदीप श्रेष्ठले बताउनुभयो ।

जिल्ला अस्पतालमा बिरामी भएर रगत जाँच गराउन आएका बिरामीहरुको मात्र परीक्षण गर्दा देखिएको बिरामीभन्दा बढी निजी अस्पताल र मेडिकलहरुमा आउने बिरामीहरुमा पनि रोगको लक्षण देखिएको स्वास्थ्य कर्मीहरुको भनाइ छ ।

स्क्रब टाइफस र डेंगोका विरुद्ध सचेतना अभियान सञ्चालन गर्न गएको वर्षहरुमा जिल्ला स्वास्थ्य कार्यालयले अभियानहरु सञ्चालन गर्ने गरेको थियो भने यस वर्ष जिल्ला स्वास्थ्य कार्यालय बन्द जस्तो अवस्थामा पुगेको र जिल्ला अस्पतालले समेत औषधि समेत खरिद गर्न नसकेर ससमस्यामा परेका कारण सचेतनामूलक कार्यक्रमहरु सञ्चालन हुन सकेका छैनन् ।

स्वास्थ्यका सबै बजेट स्थानीय सरकारकोमा गएको भएपनि स्थानीय तहको सरकारले स्वास्थ्यलाई गम्भीर रुपमा लिन सकेको छैन । जिल्ला सदरमुकाम रहेको निलकण्ठ नगरपालिका क्षेत्रमा समस्या भए पनि स्थानीय सरकारले यस विषयमा चासो देखाएको छैन ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सिताराम अधिकारी

धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्