बाढीले जलविद्युत् केन्द्रमा क्षति पुर्‍याउँदा मुगु बिजुली विहीन

कात्तिक ८, २०७९ मंगलबार १४:३:११ | उज्यालो सहकर्मी

काठमाण्डाै – गएकाे असोजको अन्तिम हप्तामा आएको भारी वर्षाका कारण गमगाड साना जलविद्युत् गृहमा क्षति पुर्‍याउँदा कर्णाली प्रदेशको मुगु जिल्ला बिजुली विहीन बनेको छ ।

गएकाे असोज १९–२५ गतेसम्मको भारी वर्षासँगै आएको बाढी, पहिरोले छायाँनाथ रारा नगरपालिका–४ मा रहेकाे विद्युत् गृहको ११०० मिटर लामो नहरमध्ये झन्डै ७०० मिटरमा क्षति पुर्‍याएकाे छ । यसैगरी बाढी, पहिरोबाट विद्युत् गृहको सबस्टेशनका संरचनाहरूमा पनि क्षति पुगेको छ ।

बाढी, पहिरोले क्षति पुर्‍याएकाे नहरको पुनर्निर्माण र मर्मत गर्नुपर्ने छ । नेपाल विद्युत् प्राधिकरणले क्षति पुगेका संरचनाको पुनर्निर्माण सुरु गरिसकेको छ । चुनावअघि नै पुनर्निर्माण सम्पन्न गरी बिजुली आपूर्ति गर्ने लक्ष्यका साथ काम भइरहेको छ ।

साथै वैकल्पिक व्यवस्थामार्फत बिजुली आपूर्तिका लागि प्रयास भइरहेको प्राधिकरणका कार्यकारी निर्देशक कुलमान घिसिङले बताउनुभयो । ‘पुनर्निर्माणलाई तीव्रता दिने र तत्काल बिजुली आपूर्तिका लागि जेनेरेटर लगेर बिजुली उत्पादनको प्रयास गरिरहेका छौँ, उहाँले भन्नुभयो ।

भौगोलिकरूपमा विकट मुगुमा राष्ट्रिय प्रसारण लाइनको बिजुली पुग्न सकेको छैन ।

नेपाल विद्युत् प्राधिकरणले ४०० किलोवाट जडित क्षमताको गमगाड साना जलविद्युत् आयोजनाबाट बिजुली उत्पादन गरी मुगुकाे सदरमुकाम गमगढी र आसपासका क्षेत्रहरूमा बिजुली आपूर्ति गर्दै आएको छ । मुगुमा बिजुली सेवा लिने ग्राहकको सङ्ख्या ३१०० छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्