फोटोमा हेर्नुहोस् मकवानपुरको उत्साहजनक मतदान

मंसिर ४, २०७९ आइतबार ९:२०:५१ | हरि हुमागाईं

हेटौंडा – मकवानपुरका मतदान केन्द्रहरूमा निकै उत्साहजनक रूपमा मतदान भइरहेको छ । आज बिहानैदेखि मकवानपुरका सबै मतदान केन्द्रहरूमा उत्साहजनक रूपमा मतदान भइरहेको छ ।

प्रतिनिधिसभा र प्रदेशसभा चुनावको लागि देशभर उत्साहजनक रूपमा मतदान भइरहेको हो । मकवानपुर जिल्लाका १० वटै पालिका धेरै मतदान केन्द्रमा बिहानैदेखि मतदाताको लाइन लागेको छ ।

विशेष गरी हेटौंडाका विभिन्न मतदान केन्द्रमा बिहान ७ बजेदेखि नै चिसो भएकाले थोरै मतदाता भए पनि अहिले भने मतदान केन्द्रहरूमा मतदाताहरूको चाप बढेको छ । मकवानपुरका ३ लाख ७ सय ३३ जना मतदाताले आज मतदान गर्दै छन् ।

मकवानपुरका सबै जसो मतदान स्थलमा बिहानैदेखि चहलपहल भइरहेको छ । मतदाताहरू मतदान गर्नका लागि लाइनमा बस्न थालेका छन् ।

मकवानपुर क्षेत्र नम्बर १ मा कुल मतदाता १ लाख ५० हजार १ सय ५५ जना रहेका छन् भने ६२ वटा मतदान स्थलमा १ सय ७२ वटा मतदान केन्द्र रहेका छन् । यस क्षेत्रमा १४ वटा राजनीतिक दलका १४ जना उम्मेदवार र २ जना स्वतन्त्र गरी कुल १६ जना उम्मेदवारले आफ्नो उम्मेदवारी दिएका छन् ।

मकवानपुर क्षेत्र नम्बर–२ मा कुल मतदाता १ लाख ५० हजार ५ सय ७८ जना रहेका छन् भने १ सय ५ वटा मतदान स्थलमा १ सय ९२ वटा मतदान केन्द्र रहेका छन् ।

यस क्षेत्रमा ९ वटा राजनीतिक दलका ९ जना उम्मेदवारले आफ्नो उम्मेदवारी दिएका छन् । १ जना स्वतन्त्र उम्मेदवारको पनि उम्मेदवारी रहेको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्