मतदान गरेर घर फर्कँदै गरेका २ युवा बाटोमै कुटिए

मंसिर ४, २०७९ आइतबार १६:४४:३८ | दीपक भट्ट

रामेछाप – रामेछाप नगरपालिका–८ बालमन्दिरमा रहेको मतदान केन्द्रमा मतदान गरेर घर फर्कँदै गरेका दुई युवा बाटोमै कुटिएका छन् ।

मतदान गरेर घर फर्कँदै गरेका युवालाई रामेछाप नगरपालिका–८ डुम्रिखर्क भन्ने ठाउँमा सडकमा नै बसिरहेका चार जनाकाे समूहले कुटपिट गरेका हुन् । कुटपिटमा परि रामेछाप नगरपालिका ८ का २१ वर्षीय गोविन्द सुवेदी र ४१ वर्षीय देवीलाल सुवेदी घाइते भएका छन् ।

उनीहरू दुवै जनाको घटनास्थलबाट उद्धार गरि अहिले जिल्ला अस्पताल रामेछापमा उपचार भइरहेको छ । दुवै जनाको टाउको र खुट्टामा चाेट रहेको छ । दुवैको अवस्था गम्भीर भएकाले थप उपचारका लागि काठमाण्डौ पठाउने तयारी भइरहेको रामेछाप नगरपालिका–८ का निर्वतमान वडाध्यक्ष केदार कार्कीले जानकारी दिनुभयाे ।

कुटपिटमा संलग्नमध्ये एक जनालाई प्रहरीले पक्राउ गरेकाे छ भने अन्य तीन जना फरार रहेका छन् । फरार रहेकाहरूकाे खोजी भइरहेको र घटना के कारणले भएको हो भन्ने विषयमा अनुसन्धान भइरहेको जिल्ला प्रहरी कार्यालय रामेछापका प्रहरी नायब उपरीक्षक राजकुमार थिङ्गले जानकारी दिनुभयाे ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्