जनताको सचेत आन्दोलनबाट बनेको सरकारलाई कर्कलोको पानीको रुपमा टिप्पणी नगराैं: प्रम अाेली

असोज २१, २०७५ आइतबार १९:४१:२१ | उज्यालो सहकर्मी

काठमाडाैं - प्रधानमन्त्री केपी ओलीले संघीय लोकतान्त्रिक गणतन्त्रलाई कसैले पनि खोस्न नसक्ने बताउनु भएको छ ।

उहाँले मुलुक प्रतिगमनतिर जान्छ की भनेर निरर्थक कुरा नगर्न पनि आग्रह गर्नुभयो । पत्रकार शुभशंकर कँडेलद्वारा लिखित पुस्तक ‘अवतरण’ काे आइतबार काठमाडौंमा विमोचन गर्दै प्रधानमन्त्री ओलीले मुलुक नयाँ युगमा प्रवेश गरेको उल्लेख गर्दै त्यसलाई संस्थागत गर्न जनताले बहुमतसहितको सरकार दिएको पनि स्मरण गराउनु भयो ।

प्रधानमन्त्री ओलीले आफू नेतृत्वको सरकारले पाएको बहुमत भवितव्यमा नआएको पनि बताउनु भयो । उहाँले जनताको सचेत आन्दोलनद्वारा बनेको सरकारलाई कर्कलोको पानीको रुपमा टिकाटिप्पणी नगर्न पनि सचेत गराउनु भयो ।

नेकपाका अध्यक्ष समेत रहनुभएका प्रधानमन्त्री ओलीले सरकार लोकतान्त्रिक प्रक्रिया भित्र रहेको र सोही प्रक्रियाबाट अघि बढने प्रतिवद्धता पनि व्यक्त गर्नु भयो ।

पुस्तकले मुलुकलाई अघि बढाउन सघाउ पुर्‍याउने उल्लेख गर्दै प्रधानमन्त्री ओलीले मुलुकको समृद्धि, विकासका लागि अरु पुस्तक लेख्दै जान पनि पत्रकार कँडेललाई शुभकामना दिनु भयो ।

कार्यक्रममा बोल्दै नेपाल कम्युनिष्ट पार्टी (नेकपा) का अध्यक्ष पुष्पकमल दाहालले दुई पार्टीबीचको एकता मुलुकलाई अघि बढाउन गरिएको स्पष्ट पार्नुभयो । उहाँले माओवादी जनयुद्ध ठिक समयमा व्यवस्थापन गरेर आफूले शान्ति प्रक्रियालाई अवतरण गराएको पनि स्मरण गराउनु भयो ।

माओवादी सशष्त्र संघर्ष, रुपान्तरण र एमाले–माओवादी एकताका विषयवस्तु समेटिएको पुस्तक विमोचन कार्यक्रममा का‌ंग्रेस नेता शेखर कोइराला, प्राध्यापक कृष्ण खनाललगायतको उपस्थिति रहेको थियो ।

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्