स्याङ्जाको वालिङमा आधुनिक बसपार्क बनाइँदै

पुष १५, २०७९ शुक्रबार १४:५३:३३ | राधाकृष्ण डुम्रे

स्याङ्जा – स्याङ्जाको वालिङ नगरपालिकामा आधुनिक बसपार्क निर्माण गरिने भएको छ । आधुनिक बसपार्कको निर्माणसँगै गाडी पार्किङको समस्या समाधान हुने विश्वास लिइएकाे हो ।

'स्मार्ट सिटी' को अवधारणसहित अगाडि बढिरहेको वालिङमा गाडी व्यवस्थितरूपमा पार्किङ गर्ने ठाउँ नहुँदा बजार क्षेत्र अस्तव्यस्त हुँदै आएको थियो । गाडी पार्किङको समस्या समाधानका लागि विस्तृत परियोजना प्रतिवेदन (डीपीआर) तयार पारिएको छ ।

आधुनिक बसपार्कलाई नमुना बसपार्कको रूपमा तयार गरिने वालिङका मेयर कृष्ण खाणले बताउनुभयो । बसपार्क बनेपछि वालिङबाट छुट्ने तथा वालिङमा रोकिने ठूला, मझौला र साना गाडीलाई पार्किङकाे समस्या नहुने खाणको भनाइ छ ।

बसपार्क निर्माणको काम केन्द्र सरकार र प्रदेश सरकारको समपूरक योजनाका रूपमा अघि बढाइने उपमेयर कविता तिवारीले जानकारी दिनुभयो । उहाँका अनुसार पब्लिक–प्राइभेट पार्टनरसिप (पीपीपी) मोडेलमा बसपार्क निर्माण हुनेछ ।

आधुनिक बसपार्कको टर्मिनल भवन, घेरा पर्खाल, वर्कशप, आन्तरिक बाटो लगायत निर्माणका लागि १४ करोड ४१ लाख रुपैयाँ बजेट अनुमान गरिएको छ । यसका लागि सहरी विकास कोषबाट ८० प्रतिशत ऋण तथा वालिङ नगरपालिकाको २० प्रतिशत लगानीमा काम सम्पन्न हुने नगरपालिकाले जनाएको छ ।

निर्माण सम्पन्न भएपछि बसपार्कमा प्रतिघण्टा ९६ वटा गाडी पार्किङ गर्न सकिनेछ । जीप, मिनीबस, माइक्रोबस लगायतका छोटो दूरीमा चल्ने गाडी प्रतिघण्टा ४२ वटा पार्किङ गर्न सकिनेछ । त्यसैगरी लामो दूरीमा चल्ने बसहरू प्रतिघण्टा ४८ वटा र बिजुलीबाट चल्ने बसहरू प्रतिघण्टा आठ वटा, दुई पाङ्ग्रे गाडी प्रतिघण्टा १० वटा, निजी गाडी प्रतिघण्टा २० वटा अटाउने प्रमुख प्रशासकीय अधिकृत राजन भट्टराईले जानकारी दिनुभयो । सहरी विकास कोषसँगको सहकार्यमा बसपार्क निर्माणका लागि डीपीआर तयार पारिएको हो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

स्याङ्जाको वालिङमा आधुनिक बसपार्क बनाइँदै

वालिङमा निर्माण हुन लागेको बसपार्कको नमुना

तपाईको प्रतिक्रिया