प्रदेश तीनको नीति तथा कार्यक्रम बहुमतले पारित

जेठ २४, २०७५ बिहीबार १८:३६:३३ | हरि हुमागाईं

मकवानपुर – प्रदेश नम्बर ३ को प्रदेशसभाले आर्थिक वर्ष २०७५–७६ को नीति तथा कार्यक्रम बहुमतले पारित गरेको छ ।

संसदको बिहीबार बसेको बैठकले नीति तथा कार्यक्रमको केही बुँदामा परेको संशोधन प्रमुख प्रतिपक्ष नेपाली कांग्रेसले फिर्ता नलिएपछि नीति तथा कार्यक्रम बहुमतको आधारमा पारित गरिएको हो । नीति तथा कार्यक्रमको संशोधन दर्ता गराएका दल बिबेकशील साझा र नेपाल मजदुर किसान पार्टीले भने नीति तथा कार्यक्रमको मौन समर्थन जनाएका छन् ।

नीति तथा कार्यक्रमबारे सांसदहरुले उठाएका प्रश्नहरुको उत्तर दिँदै प्रदेश तीनका डोरमणि पौडेलले सरकार र निजी क्षेत्रसमेतको साझेदारीमा विकासका कार्यहरु गर्ने बताउनुभयो । उहाँले रोजगारी सृजना गरेर युवा पलाएन रोक्नको लागि उद्योगहरु बिस्तार गर्ने नीति सरकारले लिएको बताउनुभयो ।

मुख्यमन्त्री पौडेलले प्रतिपक्ष दलले संसोधन गराउन खोजेको बजेटको मुल नीतिमा फरक नपरेको तर केही बुँदाहरु संसोधन स्वीकार गर्न केन्द्रले नै स्वीकृत गर्नुपर्ने बाध्यता रहेको बताउनुभयो ।

बैठकमा सांसदहरु प्रभात तामाङ, सन्तबहादुर प्रजा, बिजुला बर्मा, विजया श्रेष्ठ केसी, रिता माझीले हाल्नुभएको संसोधनहरु फिर्ता नभएपछि बहुमतीय प्रणालीमा निर्णय भएको थियो ।

प्रमुख प्रतिपक्ष दलका नेता इन्द्रबहादुर बाँनियाले संसदीय परम्परामा प्रतिपक्ष दलले संसोधनको लागि हालेको राम्रा बुँदाहरु पनि संसोधन नहुँदा निकट भविष्यमा सत्तापक्षले आफै मूल्याङकन गर्ने प्रतिक्रिया दिनुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्