चीनमा विदेशीमाथि लगाइएका भिसा प्रतिबन्ध हट्यो

फागुन ३०, २०७९ मंगलबार १५:७:१४ | एजेन्सी

चीनले कोभिड–१९ महामारी फैलिएपछि विदेशीमाथि लगाइएको यात्रा प्रतिबन्ध पूर्णरूपमा हटाएको छ । भोलि बुधवारदेखि विदेशी पर्यटकहरूलाई भिसा जारी गर्ने चीनको विदेश मन्त्रालयलाई उद्धृत गर्दै एएफपीले जनाएको छ ।

काेरोना महामारी नियन्त्रण गर्न सरकारले केही महिना अघिसम्म कठोर शून्य कोभिड रणनीति अवलम्बन गरेको थियो । सरकारको पछिल्लो निर्णयले बाहिरी संसारका निम्ति चीन पुनः खुलेको छ ।

चिनियाँ विदेश मन्त्रालयले जारी गरेको सूचनामा नयाँ भिसा आवेदनको समीक्षा र स्वीकृतिका साथै २०२० को मार्च २८ अघि जारी गरिएका तर म्याद नगुज्रिएका भिसावाहकले पुनः चीनमा प्रवेश गर्न पाउने उल्लेख छ । सरकारले जारी गरेको भिसासम्बन्धी अद्यावधिक नीतिले पानी जहाजबाट शङ्घाई आउनेहरूका साथै हङकङ, मकाउ र आसियान क्षेत्रीय समूहभित्रका देशका निश्चित पर्यटक समूहहरूका लागि विना भिसा यात्राको अनुमति दिएको छ ।

राष्ट्र सङ्घीय विश्व पर्यटन सङ्गठनका अनुसार काेराेना महामारी सुरु हुनुअघि अर्थात् सन् २०१९ मा छ करोड ५७ लाख अन्तर्राष्ट्रिय पर्यटकले चीन भ्रमण गरेका थिए । विश्वका धेरैजसो देशले महामारीका कारण बन्द गरिएको यात्रा अनुमति पुनः खुला गरेपछि चीनले पनि गएकाे वर्षको अन्त्यतिर यात्रा अनुमति दिएको हो ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चीनमा विदेशीमाथि लगाइएका भिसा प्रतिबन्ध हट्यो

तस्बिर : फ्रान्स २४

तपाईको प्रतिक्रिया