बेलायत पठाउने अन्तरवार्ता भन्दै होटेलमा बोलाएर गैरकानुनी रूपमा पासपोर्ट सङ्कलन

चैत १४, २०७९ मंगलबार १३:४६:१४ | उज्यालो सहकर्मी

काठमाण्डौ – विभिन्न भिसामा बेलायत पठाउँछु भन्दै पासपोर्ट लगायतका कागजात गैरकानुनी रूपमा सङ्कलन गरिरहेको पाइएको छ ।

छ महिनाको सिजनल काम, विद्यार्थी भिसा, डिपेन्डेन्ट भिसा लगायतमा बेलायत पठाउँछु भन्दै लमजुङको गिलुङ्ग ८ की शिला परियारले विभिन्न व्यक्तिबाट पासपोर्ट लगायतका कागजात सङ्कलन गरिरहेको पाइएको वैदेशिक रोजगार विभागले जनाउको छ ।

परियारले काठमाण्डौको होटेल स्काइ ब्याङ्क्वेटमा अन्तरवार्ता लिइरहेको सूचनाको आधारमा अनुगमनका लागि विभागबाट आकस्मिक टोली खटिएको थियो । अनुगमनको क्रममा विभागबाट अनुमति नै नलिई होटेलमा मानिसहरु जम्मा पारि परियारले राहदानी लगायतका महत्त्वपूर्ण कागजातहरू जम्मा गरिरहेको भेटिएको हो ।

वैदेशिक रोजगारीमा मानिस पठाउन अन्तरवार्ता गर्नुअघि विभागबाट स्वीकृति लिनुपर्छ । तर कुनै अनुमति बिनै गैरकानुनी काम गरेको पाइएपछि विभागले परियारको साथबाट एक सय १९ वटा राहदानी बरामद गरेको छ । घट्नाबारे थप अनुसन्धान भइरहेको विभागले जनाएको छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्