खाेटाङका वनमा डढेलो : पाइप जल्दा ४ घर पिउने पानीबाट वञ्चित

चैत १५, २०७९ बुधबार ११:५:११ | दमन राई

खोटाङ – सामुदायिक जंगलमा लागेको डढेलोले खोटाङको हलेसी तुवाचुङ नगरपालिका–८ धितुङमा खानेपानीको पाइप जलेको छ ।

स्थानीय चौतारा सामुदायिक वनमा चैत १३ गतेदेखि सुरु भएको डढेलोले तीनसल्लेबाट जयभद्रे लगिएको भालुखोला खानेपानीको करिब एक हजार आठ सय मिटर पाइप जलेको हो । चुनिया पानी भएकाले बेला–बेला टकटकाउनका लागि जमिन बाहिरै राखिएको पाइप डढेलोले नष्ट भएको धितुङका वडाध्यक्ष टेकराज राईले बताउनुभयो । उहाँका अनुसार पाइप जलेपछि मयभद्रेका चार घर पिउने पानीबाट वञ्चित भएका छन् । राति डढेलो नियन्त्रणका क्रममा आगोको ज्वालाले भेट्दा रिचकुमार कार्की घाइते भएको वडाध्यक्ष राईले बताउनुभयो ।

यस्तै डढेलोले मंगलबार धितुङको हात्तीआहालमा बस्न छाडिएको रित्तो घर पनि जलेको छ । चौतारा सामुदायीक वनमा फैलिएको डढेलोले रातेखोलाका १७, चिचिराका ११, तीनसल्लेका ८, हात्तीआहालका ७ र जयभद्रेका ४ घर जोखिममा परेका छन् । स्थानीय र प्रहरीले मंगलबार राति १ बजेसम्म डढेलो नियन्त्रण गर्ने प्रयास गरेका थिए । सुनकोसी नदी किनारबाट बस्तीतिर डढेलो फैलिएको हो ।

यस्तै, हलेसी तुवाचुङ नगरपालिका–११ राजापानीको महाङकला सामुदायिक वन, फुस्रेकाला पहरा सामुदायिक वन, भालुढुंगा सामुदायिक वन, देब्रोघारी सार्केटार सामुदायिक वन, असोजे सामुदायिक वन र नमुना सामुदायिक वनमा चैत ११ गतेदेखि डढेलो लागिरहेको छ ।

अन्तिम अपडेट: मंसिर २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दमन राई

खोटाङमा बसेर पत्रकारिता गर्ने दमन राई उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

खाेटाङका वनमा डढेलो : पाइप जल्दा ४ घर पिउने पानीबाट वञ्चित

फाइल तस्बिर

तपाईको प्रतिक्रिया