होटलमा बालबालिकालाई काम लगाए कारबाही : मुख्यमन्त्री पौडेल

जेठ २५, २०७५ शुक्रबार १५:२:३८ | हरि हुमागाईं

मकवानपुर – प्रदेश नम्बर तीनका मुख्यमन्त्री डोरमणि पौडेलले तीन नम्बर प्रदेशमा बालबालिकालाई होटेलमा श्रमिकको रुपमा काम लगाइएको भेटिए कानुनी कारबाही गरिने बताउनुभएको छ ।

तीन नम्बर प्रदेशको सामाजिक विकास मन्त्रालयको आयोजनामा भएको प्रदेश सरकार र बालअधिकार संरक्षण अन्तरक्रिया कार्यक्रममा मुख्यमन्त्री पौडेलले हेटौंडा बालश्रमिकमुक्त र बालविवाहमुक्त बनाइने बताउनुभएको हो ।

मुख्यमन्त्री पौडेलले हेटौंडामा मानसिक सन्तुलन गुमाएकाहरुलाई सडकमा भेट्न नसकिने बताउनुभयो । उहाँले बालबालिकामाथि भएको हिंसा अन्त्य गर्दै बालश्रममुक्त क्षेत्र बनाउन आफूहरु लागि पर्ने बताउनुभयो ।

‘कुनै पनि होटलमा बालबालिकाहरुको प्रयोग गरिएको पाइएमा कानुन बमोजिम कारबाही हुन्छ’, मुख्यमन्त्री पौडेलले बताउनुभयो ।’ अबको तीन वर्ष भित्रमा तीन नम्बर प्रदेशलाई बालविवाहमुक्त प्रदेशको रुपमा विकास गर्ने पौडेलले बताउनुभयो ।

कार्यक्रमका तीन नम्बर प्रदेशका कारागार र बालसुधार गृहमा आश्रित बालबालिकाहरु अवस्था दयनिय देखिएको बताइएको छ । कारागार र बाल सुधार गृहमा रहेका १ सय ६१ जनाको अवस्था दयनिय रहेको पाइएको हो ।

सबैभन्दा बढी बाल सुधार गृह सानोथिमि भक्तपुरमा १ सय ४७ जना, काठमाडौंको कारागारमा ८ जना, धादिङ कारागारमा ३ जना, चितवन कारागारमा ३ जना बालबालिकाहरु रहेको पाइएको हो ।

आमाबाबुसँगै कारागारमा बस्न बाध्य बालबालिको अवस्था झन् जटिल रहेको बताइएको छ । तीन नम्बर प्रदेशका ११ वटा जिल्लामा सञ्चालित बालगृहहरुमा मात्र ११ हजर ८ सय ८२ जना बालबालिकाहरु बस्ने गरेका छन् ।

बनेका बालगृह पनि मापदण्ड विपरित रहेको बताइएको छ । तीन नम्बर प्रदेशका ११ वटा जिल्लामा ४ सय १५ वटा बालगृह रहेका छन् । कतिपय बालगृहहरुमा धर्म प्रचारप्रसारका लागि बालबालिकालाई बन्देज गरिएको पनि पाइएको तीन नम्बर प्रदेशका सामाजिक विकास मन्त्री युवराज दुलालले बताउनुभयो ।

धर्मप्रचारका नाममा अधिकार बञ्चित गर्ने गरी सञ्चालन गरिएका बालगृहहरु बन्द गरेर प्रदेश सरकारले आफै बालबालिकाको संरक्षण गर्ने गरी बालगृह बनाएर अगाडि बढ्न प्रदेश तयार रहेको मन्त्री दुलाले बताउनुभयो ।

अहिले बालगृह बन्द गर्नका लागि कानुनी जटिलता रहेको र प्रदेश सरकारले कानुन बनाएरै ‘रिजल्ट’ आउने गरी काम गर्ने बताउनुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्