दक्षिण कोरियाका नागरिकले क्यानडामा गाँजा खाए कारबाही हुने

कात्तिक ७, २०७५ बुधबार ८:२०:१७ | उज्यालो सहकर्मी

दक्षिण कोरियाले आफ्ना देशका नागरिकले क्यानडा लगायत अन्य जुनसुकै देशमा गाँजा सेवन गरे पक्राउ गरेर कारबाही गर्ने जनाएको छ ।

क्यानडामा गाँजाको व्यापार गर्न खुल्ला गरिएपछि दक्षिण कोरियाको यस्तो भनाई आएको हो । दक्षिण कोरियाका २३ हजार विद्यार्थी क्यानडामा रहेको र उनीहरुले गाँजा सेवन गरेको पाइए आफ्नै देशकै कानुन अनुसार कारबाही गरिने दक्षिण कोरियाले जनाएको छ ।

गएको केही हप्ता अगाडि क्यानडाले गाँजालाई वैधानिकता दिएपछि दक्षिण कोरियाले आफ्ना नागरिकले पनि गाँजाको प्रयोग गर्ने चिन्ता व्यक्त गरेको हो । दक्षिण कोरियाको प्रहरीले आफ्ना नागरिकलाई क्यानडाले ल्याएको नयाँ स्वतन्त्रतामा नरमाउन चेतावनी दिइरहेको छ ।

दक्षिण कोरियाको त्यो कानूनले संसारका कुनै ठाउँमा बस्ने आफ्ना नागरिकले कानून उलङ्घन गरेर गाँजा सेवन गरेमा घर फर्कने बेलामा कारबाही गर्ने जनाएको छ । गाँजा सेवन गर्नेले पाँच वर्षको जेल सजाय भोग्नुपर्नेछ ।

दक्षिण कोरियाले लागूऔषध कारोबार तथा सेवनमा कडा कारबाही गर्ने गरेको छ । दक्षिण कोरियाका अधिकारीहरुले देशलाई ‘ड्रग्स फ्रि नेशन’ बनाउने परियोजनामा काम गरिरहेका छन् ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्