छुट्टाछुट्टै ठाउँमा गाडीले पैदलयात्रुलाई ठक्कर दिँदा ३ जनाको मृत्यु

कात्तिक ९, २०७५ शुक्रबार १२:१८:५० | उज्यालो सहकर्मी

काठमाडौं – विभिन्न ठाउँमा गाडीले पैदलयात्रुलाई ठक्कर दिँदा ३ जनाको ज्यान गएको छ । शुक्रबार बिहान काठमाडौं, धादिङ र सप्तरीमा गाडीको ठक्करबाट पैदलयात्रुको ज्यान गएको प्रहरीले जनाएको छ ।

काठमाडौंको तार्केश्वर नगरपालिकामा ट्रकको ठक्करबाट एक महिलाको ज्यान गएको छ । २ जना घाइते भएका छन् । बिहान १० बजेतिर ना ६ ख ७८२६ नम्बरको ट्रकले तार्केश्वरको लोलाङमा ठक्कर दिँदा ज्यान गुमाएकी महिलाको पहिचान भएको छैन । घाइते भएका मध्ये एक जनाको ग्रिनसिटी अस्पताल धापासीमा र अर्का एक जनाको त्रि.वि शिक्षण अस्पताल महाराजगंजमा उपचार भइरहेको प्रहरीले जनाएको छ । हिँडिरहेका उनीहरुलाइ ट्रक ठक्कर दिएको हो ।

यस्तै, सप्तरीको रुपनी गउँपालिका २ मा बसको ठक्करबाट एक बालकको मृत्यु भएको छ । बिहान सप्तरीकै रुपनीबाट राजविराजका लागि छुटेको ना ३ ख ७३९० नम्बरको बसले ठक्कर हिँदा हिँडिरहेका स्थानीय गुनान्दन यादवका ६ वर्षका छोरा शिवम्कुमारको ज्यान गएको हो । दुर्घटना पछि फरार रहेका चालकको खोजी भइरहेको जिल्ला प्रहरी कार्यालय सप्तरीले जनाएको छ ।

धादिङको महादेवबेसीमा ट्रकको ठक्करबाट थाक्रे गाउँपालिकाका २८ वर्षका मनोज मिजारको ज्यान गएको छ । सिहराको लाहानबाट काठमाडौंका लागि छुटेको ना ६ ख २३७३ नम्बरको बाह्रचक्के ट्रकले मिजारलाई ठक्कर दिएको प्रहरीले जनाएको छ ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्