नेपाललाई प्याजमा पनि आत्मनिर्भर बनाउनुपर्ने आवश्यकता छ : अर्थमन्त्री

असार १३, २०८० बुधबार २०:५:३१ | उज्यालो सहकर्मी

काठमाण्डाै – अर्थमन्त्री डा. प्रकाशशरण महतले नेपाललाई प्याजमा पनि आत्मनिर्भर बनाउनुपर्ने आवश्यकता रहेको बताउनुभएको छ ।

बुधवार प्रतिनिधि सभामा आर्थिक विधेयक २०८० माथि विचार गरियोस् भन्ने प्रस्तावमाथिको छलफलमा सांसदहरूले उठाएका प्रश्नहरूकाे जवाफ दिँदै अर्थमन्त्री महतले यस्तो बताउनुभएको हो । उहाँले आलुमा देश आत्मनिर्भरतातर्फ उन्मुख भएको भन्दै प्याजमा पनि आत्मनिर्भर बनाउनका लागि मूल्य अभिवृद्धि कर (भ्याट) को व्यवस्था गरिएको बताउनुभयो ।

उहाँले भन्नुभयो, ‘देश आलुमा आत्मनिर्भरतातर्फ अघि बढ्दै गएको छ । प्याजमा पनि आत्मनिर्भरतर्फ जानैपर्छ । त्यसो हुनाले हामीले मूल्य अभिवृद्धि कर अर्थात् भ्याटमार्फत आलु र प्याजलाई आत्मानिर्भरता लैजान खोजेको हो ।’

अर्थमन्त्री महतले कालिमाटी तरकारी बजारमा बिचौलियाका कारण देशभित्रको उत्पादनले प्रवेश नपाउने तर बाहिरबाट आएकाले सिधै प्रवेश पाउने अवस्था रहेको बताउनुभयो । उहाँले देशभित्रका साना–साना उत्पादन गर्नेहरूलाई भने यो भ्याट नलाग्ने बताउनुभयो । आलु र प्याजमा लगाएको भ्याटले नेपाली उत्पादकलाई हौसला दिने उहाँले दाबी गर्नुभयो ।

अर्थमन्त्रीले नेपालमा मूल्य अभिवृद्धि कर लागू भएसँगै राजस्वकाे दायरा बढेको बताउनुभयो । उहाँले सरकारले आर्थिक विधेयकमार्फत व्यवस्था गरेको करले देशको अर्थतन्त्र चलायमान हुने बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नेपाललाई प्याजमा पनि आत्मनिर्भर बनाउनुपर्ने आवश्यकता छ : अर्थमन्त्री

तस्बिर : रासस

तपाईको प्रतिक्रिया