बाढी कारण अवरुद्ध पाँचथरकाे फिदिम–ताप्लेजुङ सडक खण्ड सञ्चालनमा

असार १८, २०८० सोमबार ११:१५:१५ | उपेन्द्र येक्तेन

पाँचथर – बाढीका कारण अवरुद्ध मेची राजमार्ग अन्तर्गत पाँचथरकाे फिदिम-ताप्लेजुङ सडक खण्ड सञ्चालनमा आएकाे छ । हेवा खोलामा ह्युम पाइप र पेन स्टक पाइप राखेर डाइभर्सन निर्माण गरिएपछि गएरातिदेखि याे सडक खण्डमा गाडी चल्न थालेकाे हाे ।

हिलिहाङ-७ र फिदिम-४ जोड्ने हेवा खोलामा असार १२ र १३ गते दुई पटक डाइभर्सन निर्माण गरेर सडक सञ्चालनमा ल्याए पनि पुनः बाढी आएपछि गएकाे बिहीवारदेखि आवागमन ठप्प भएको थियो ।

असार २ गते शनिवार राति हेवा खाेलामा आएकाे बाढीले बेलिब्रिज र माेटरेबल पुल बगाएपछि याे सडक खण्ड पटक पटक बन्द हुँदै र खुल्दै आएको छ ।

बाढीले पुल बगाएपछि हेवा खोला पारि पर्ने पाँचथरका फालेलुङ, हिलिहाङ र याङवरकसँगै ताप्लेजुङ जिल्लाको सडक सम्पर्क टुटेको थियो ।

पुल बगेको ठाउँमा सडक डिभिजन इलामले बेलिब्रिज निर्माणको काम गरिरहेको छ । तर बेलिब्रिज निर्माणको काम सुस्त भएको स्थानीयकाे गुनासाे छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्