जुम्ला : अन्तरजातीय विवाहपछि घर जलाइएकाे भन्दै मुद्दा दर्ता

असार १८, २०८० सोमबार १९:२६:१२ | नेत्र शाही

जुम्ला – जुम्लाको तातोपानी गाउँपालिका–४ गिडिखोलामा अन्तरजातीय विवाहपछि घर जलाइएको भन्दै मुद्दा दर्ता भएको छ ।

जिल्ला प्रहरी कार्यालय जुम्लाका प्रहरी निरीक्षक (इन्स्पेक्टर) धर्मराज जोशीका अनुसार तातोपानी–४ निवासी भरत नेपालीको घर जलाउने व्यक्तिविरुद्ध मुद्दा दर्ता भएकाे हाे । तातोपानी–४ कै हिक्मत गिरीसहित तीन जनाविरुद्ध जाहेरी परेपछि हिक्मतलाई पक्राउ गरिएको इन्स्पेक्टर जाेशीले बताउनुभयाे ।

प्रहरीका अनुसार घरधनी नेपालीका भाइ मुकेन्द्र नेपाली र त्यही गाउँकै गिरी जातकी केटीबीच विवाह भएका कारण केटी पक्षका आफन्तबाट घर जलाइएको हुन सक्ने आशङ्कामा किटानी जाहेरी परेको हो ।

यस घटनामा केटीका बुबाले पनि छोरी हराएको भन्दै गएकाे असार १३ गते निवेदन दिएका प्रहरीले जानकारी दिएको छ । प्रहरीका अनुसार केटीका बुबाले दिएको निवेदनमा मुकेन्द्र नेपालीसँग विवाह गरेकी केटी १६ वर्षकी उल्लेख भए पनि १४ वर्ष सात महिनाकी भएकाे जनाइएकाे छ । केटीको विद्यालयको प्रमाणपत्रमा १४ वर्ष सात महिना उमेर खुलेको प्रहरीले जनाएको छ ।

प्रहरी निरीक्षक जोशीका अनुसार आइतवार बिहान ३ बजेतिर आगलागी भएर भरत नेपालीको घर जलेको थियो । आगलागीबाट टिनले छाएको माटो र ढुङ्गाले छाएको घरकाे भित्री भाग पूरै जलेकाे प्रहरीले जनाएकाे छ ।

घर जलाइएको विषयमा जातीय विभेद भएको भन्दै सरोकारवाला निकायले ध्यानाकर्षण गराएका छन् । दलित सेवा सङ्घ जुम्ला, दलित मुक्ति मोर्चाले अन्तरजातीय विवाह भएका कारण घर जलाउने विषय गम्भीर भएको भन्दै कानुनी कारबाही गर्न स्थानीय प्रशासनमार्फत सरकारलाई ध्यानाकर्षण गराएका छन् ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

1 Comments

नाम भरत परियार रुकुम पश्चिम् सानी भेरी गा,पा 7
July 4, 2023, 1:29 a.m.
हामी दलितलाई नेपाल मा बाचन गाह्रो भयो खै कहाँ जनेहो अब हामी भाग्ये सकिएको मान्छे किन दलित आमाको काखमा जन्म लिए होला हामीलाई सबै ठाउँ बाट थिचोमिचो बनाइ रहेका छन हाम्रो पनित मन हो
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जुम्ला : अन्तरजातीय विवाहपछि घर जलाइएकाे भन्दै मुद्दा दर्ता

1 Comments

नाम भरत परियार रुकुम पश्चिम् सानी भेरी गा,पा 7

तपाईको प्रतिक्रिया

तपाईको प्रतिक्रिया