सामाजिक सुरक्षा भत्ता आफ्नै खातामा जम्मा गरेपछि लेखा अधिकृत छानबिनको दायरामा

कात्तिक १२, २०७५ सोमबार १३:५०:४१ | उपेन्द्र येक्तेन

कात्तिक – फिदिम नगरपालिकाका लेखा अधिकृत पेम्बा शेर्पा छानबिनको दायरामा परेका छन् । नगरपालिकाबाट वितरण हुने सामाजिक सुरक्षा भतामा अनियमितता गरेको विषय सार्वजनिक भएपछि शेर्पा छानबिनको दायरामा परेका हुन् ।

नगरपालिकाका मेयर ओनाहाङ नेम्बाङले लेखा अधिकृत शेर्पाले सम्पादन गरेका काम कारबाहीको सत्य तथ्य बुझ्न लेखा समितिलाई छानबिनको लागि निर्देशन दिनुभएको हो । एक हप्ताभित्र यथार्थ विवरण नगरकार्यपालिकाको बैठकमा पेस गर्न लेखा समितिलाई निर्देशन भएअनुसार काम सुरु भएको लेखा समिति संयोजक समेत रहनुभएका नगरपालिकाका प्रवक्ता नरेन्द्र गुरुङले वताउनुभयो ।

छानबिन समितिको विवरण आएपछि लेखाअधिकृत शेर्पा दोषी देखिएमा कानुनी कारबाही गर्ने मेयर नेम्बाङले बताउनुभयो । लेखा अधिकृत शेर्पामाथि फिदिम–४ का मृत्यु भइसकेका ज्येष्ठ नागरिक भिमबहादुर लावती, कौशाल्यदेवि नेपाली, भगिरत्ना राई लगायतका ज्येष्ठ नागरिकको आर्थिक वर्ष ०७३/०७४ को सामाजिक सुरक्षाभता आफ्नो व्यक्तिगत खातामा जम्मा गरेको आरोप लागेको छ ।

यद्यपि लेखा अधिकृत शेर्पाले भने आफूमाथि लगाइएको आरोप अस्वीकार गर्नुभएको छ । बैँकबाट सोझै नगरपालिकाको खातामा रकम ल्याउन नमिल्ने भएकोले व्यतिको नाममा रकम ट्रान्सफर गरेर कार्यालयको नाममा जम्मा गरेको शेर्पाको भनाई रहेको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्